اردن ٗفائرنگ سے امریکیوں سمیت تین غیر ملکی فوجی ہلاک
تازہ ترین : 1

اردن ٗفائرنگ سے امریکیوں سمیت تین غیر ملکی فوجی ہلاک

عمان (اُردو پوائنٹ اخبارتازہ ترین۔9 نومبر۔2015ء)اردن میں سکیورٹی حکام نے کہا ہے کہ پولیس کے تربیتی مرکز میں فائرنگ کے نتیجے میں دو امریکی اور ایک جنوبی افریقہ کا فوجی مارا گیا ۔میڈیا رپورٹ کے مطابق فائرنگ کا یہ واقعہ دارالحکومت عمان سے باہر واقع ایک تربیتی سینٹر میں پیش آیا۔حکومت کے ترجمان محمد مومنی نے بتایا کہ حملے میں دو امریکی اور اردن کے چار اہلکار زخمی بھی ہوئے ۔

انھوں نے بتایا کہ حملہ آور سینٹر میں موجود دیگر اہلکاروں کی فائرنگ سے مارا گیا اس سے پہلے سکیورٹی حکام نے بتایا تھا کہ حملہ آور نے خود کو گولی مار کر جان لے لی تھی۔امریکہ کی مالی مدد سے چلنے والے اس تربیتی مرکز’موقر‘ میں عراقی اور فلسطینی افسران کو تربیت دی جاتی ہے۔محمد مومنی نے بتایا کہ فائرنگ کا واقعہ ایک جرم ہے اور اس حوالے سے تحقیقات شروع کر دی گئی ہیں۔واقعہ پر امریکہ اور جنوبی افریقہ کی جانب سے ابھی تک کوئی ردعمل سامنے نہیں آیا ۔

مزید متعلقہ خبریں پڑھئیے‎ :

وقت اشاعت : 09/11/2015 - 21:50:23

متعلقہ عنوان :

اپنی رائے کا اظہار کریں