انسداد دہشت گردی عدالت میں سانحہ صفورا کے حتمی چالان کیلئے تفتیشی افسر کو آخری مہلت
ش
پیر 9 نومبر 2015 20:37
کراچی(اُردو پوائنٹ اخبارتازہ ترین - آن لائن۔9 نومبر۔2015ء)انسداد دہشت گردی کی عدالت نے سانحہ صفورا کے حتمی چالان کیلئے تفتیشی افسر کو آخری مہلت دے دی۔انسداد دہشت گردی کی عدالت میں سانحہ صفورا کیس کی سماعت ہوئی جس میں پولیس کی جانب سے کیس کی اب تک کی پیش رفت کے حوالے سے رپورٹ پیش کی گئی جس میں بتایا گیا کہ سانحہ صفورا کے 2 سہولت کارسلطان قمر اور حسین عمر سگے بھائی ہیں اورالقاعدہ کے دہشت گرد ان کے گھر رہائش پذیر تھے۔
رپورٹ میں بتایا گیا کہ حسین عمرنے 2010 میں داعش میں شمولیت اختیارکی جس کے کہنے پرنعیم ساجد نامی ملزم نے زاہد موتی والا کی دکان سے اسلحہ خریدا اور زاہد موتی والا کے ذریعے ہی اسلحے کے لائسنس بھی بنوائے گئے جس کے بعد اس اسلحے کو مرکزی ملزم سعد عزیز نے سانحے صفورا میں استعمال کیا۔(جاری ہے)
ملزمان نے اسلحے کا لائسنس سماعت کے دوران تفتیشی افسر نے عدالت میں کیس پیش رفت کی رپورٹ پیش کر دی۔
پیش رفت رپورٹ میں بتایا گیا کہ سانحہ صفورا کے سہولت کار سلطان قمر صدیقی اور حسین قمر صدیقی بھائی ہیں، ملزم سجاد نعیم نے زاہد موتی والا کے توسط سے اسلحہ لائسنس بنوائے، پیش رفت رپورٹ کے مطابق اسلحہ سعد عزیز اور سانحہ صفورا کے دیگر ملزمان کو دیا گیا، ملزم فہد عزیز نے اسی اسلحہ سے بس پر فائرنگ کی تھی۔عدالت نے ملزمان سلطان قمر صدیقی اور حسین قمر صدیقی کی طبی بنیاد پر ضمانت کی درخواست پر اسپیشل پبلک پراسیکیوٹر کو 11 نومبر کے لئے نوٹس جاری کر دئیے۔ عدالت نے دونوں ملزمان کے طبی معائنے کے لئے درخواست پر جیل ڈاکٹر سے رپورٹ طلب کر لی۔ عدالت نے دونوں ملزمان کووالدہ سے ملا قات کی اجازت دے دی۔عدالت میں پولیس کی جانب سے رپورٹ پیش کرنے پر معزز جج نے شدید برہمی کا اظہار کرتے ہوئے تفتیشی افسر کو آخری مہلت دیتے ہوئے حکم دیا کہ کیس کا حتمی چالان 22 نومبر تک جمع کرایا جائے۔واضح رہے کہ 13 مئی کو کراچی کے علاقے صفورا گوٹھ میں مسلح افراد نے بوہری برادری کی بس پر اندھا دھند فائرنگ کی تھی جس کے نتیجے میں 45 افراد جاں بحق اور 13 افراد زخمی ہوئے تھے۔مزید اہم خبریں
-
امریکی کانگریس نے مقبول سوشل میڈیا ایپ ”ٹک ٹاک“ پر مشروط پابندی کا بل بھاری اکثریت سے منظور کرلیا
-
پاکستان کی ترقی و خوشحالی کے لیے وفاق اور صوبوں میں گہرا تعاون اور تعلق کو پذیرائی دینے کی ضرورت ہے.شہبازشریف
-
معاشی استحکام کے لئے وفاق اور صوبوں کےمابین قریبی تعلق اور ہم آہنگی بہت اہم ہے، کسی بھی صوبے اور عوام کی ترقی پاکستان کی ترقی ہے، وزیراعظم محمد شہباز شریف کی سندھ کابینہ کے ارکان سے گفتگو
-
وزیراعلیٰ پنجاب مریم نواز کی زیرصدارت اجلاس، ہائوسنگ پراجیکٹ کی اصولی منظوری
-
وزیراعلیٰ سندھ نے وزیراعظم کو وفاق کی جانب سے سندھ کو نظر انداز کرنے کا شکوہ کر دیا
-
ایرانی صدر کے دورہ پاکستان پر دونوں ملکوں کا 28 نکاتی مشترکہ اعلامیہ جاری
-
محاز آرائی سے جمہوریت کمزور ہوگی،مولانا نام بتائیں اسمبلی کس نے بیچی،فیصل کریم کنڈی
-
بھارت میں آسٹریلوی صحافی کو مودی حکومت پر تنقید کی سزا ملی؟
-
شمالی کوریا کا وفد کے ایران کے غیر معمولی دورے پر
-
کراچی، ایرانی صدرکی روانگی، متعدد راستے بند، بچے اسکول نہ پہنچ سکے
-
شیخ رشید کے خلاف ایک الزام پر درج متعدد مقدمات کے خلاف کیس کا فیصلہ محفوظ
-
بشریٰ بی بی کو زہردیے جانے کے خدشہ کا کیس، پیرتک ٹیسٹ کروا کر رپورٹ عدالت میں جمع کروانے کا حکم
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.