پاکستان نے آئندہ ماہ افغانستان بارے کانفرنس میں بھارت کو بھی مدعو کر لیا‘ میڈیا ..
تازہ ترین : 1

پاکستان نے آئندہ ماہ افغانستان بارے کانفرنس میں بھارت کو بھی مدعو کر لیا‘ میڈیا رپورٹ

ش

نئی دہلی (اُردو پوائنٹ اخبارتازہ ترین۔9 نومبر۔2015ء) پاکستان نے آئندہ ماہ ہونیوالی اہم افغان کانفرنس میں شرکت کیلئے بھارت کو بھی مدعو کر لیا۔ ہارٹ آف ایشیاء کانفرنس 7 اور 8 دسمبر کو ہو گی جس میں آذربائیجان‘ چین‘ ایران‘ قازقستان‘ کرغزستان‘ روس‘ سعودی عرب‘ تاجکستان‘ ترکی‘ ترکمانستان اور متحدہ عرب امارات کے نمائندے شرکت کرینگے۔

بھارتی میڈیا نے پاکستانی وزارت خارجہ کے نامعلوم سینئر عہدیدار کا حوالہ دیتے ہوئے کہا ہے کہ پاکستان نے ہارٹ آف ایشیاء کانفرنس میں جن 25 ممالک کو شرکت کی دعوت دی ہے ان میں بھارت شامل ہے۔ رپورٹ میں بھارتی وزارت خارجہ کے بھی ایک نامعلوم عہدیدار کا حوالہ دیتے ہوئے کہا ہے کہ وزیر خارجہ سشما سوراج کو کانفرنس میں شرکت کی دعوت دی گئی ہے تاہم ابھی اس بات کا فیصلہ نہیں ہوا کہ وزیر خارجہ اس کانفرنس میں شرکت کرینگی یا نہیں۔ عہدیدار نے مزید کہا کہ بھارت کی جانب سے کانفرنس میں شرکت کیلئے وزراء کا اعلیٰ سطحی وفد بھیجے گا

مزید متعلقہ خبریں پڑھئیے‎ :

وقت اشاعت : 09/11/2015 - 20:26:01

متعلقہ عنوان :

اپنی رائے کا اظہار کریں