تحریک انصاف کے ممبر ضلع کونسل اپنی ہی حکومت کے خلاف بطور احتجاج سڑکوں پر نکل آئے
تازہ ترین : 1

تحریک انصاف کے ممبر ضلع کونسل اپنی ہی حکومت کے خلاف بطور احتجاج سڑکوں پر نکل آئے

پشاو ر(اُردو پوائنٹ اخبارتازہ ترین۔9 نومبر۔2015ء)پاکستان تحریک انصاف کے ممبر ضلع کونسل اپنی ہی حکومت کے خلاف بطور احتجاج سڑکوں پر نکل آئے اورکہا ہے کہ ان کے علاقے میں سب سے زیادہ لوڈ شیڈنگ ہورہی ہے ‘حکومت کوئی توجہ نہیں دے رہی ‘ترقیاتی کاموں کا م سست روی کا شکار ہیں۔ تفصیلات کے مطابق پشاور کے نواحی علاقے بھانہ ماڑی کے درجنوں افراد کوہاٹ روڈ پر نکل آئے اور ٹائر جلا کر ٹریفک بلاک کردی اور احتجاج شروع کردیامظاہرین کی قیادت تحریک انصاف کے رکن ضلع کونسل رحمان افضل کر رہے تھے۔

مظاہرین کے مطابق علاقے میں ترقیاتی کام سست روی کا شکار ہیں ‘ تجاوزات کے خلاف مہم بھی ناکام ہوگئی۔ لوڈ شیڈنگ سے ان کا علاقہ سب سے زیادہ متاثر ہورہا ہے حکومت علاقے پر توجہ ہی نہیں دیتی۔ مظاہرین نے نصف گھنٹے تک روڈ بلاک کئے رکھا۔ بعد ازاں پرامن طور پر منتشر ہوگئے۔

مزید متعلقہ خبریں پڑھئیے‎ :

وقت اشاعت : 09/11/2015 - 16:32:25

متعلقہ عنوان :

اپنی رائے کا اظہار کریں