یمن میں سڑک کنارے نصب بم کا دھماکا، 16 فوجی ہلاک،6 زخمی

پیر 9 نومبر 2015 13:52

صنعاء(اُردو پوائنٹ اخبارتازہ ترین - آئی این پی۔9 نومبر۔2015ء) یمنی دارالحکومت صنعا کے مشرقی صوبے مارب میں سڑک کنارے نصب بم دھماکے میں 16 حکومتی فوجی ہلاک ہو گئے۔

(جاری ہے)

غیرملکی میڈیا کے مطابق یمنی حکومتی فورسز نے واقعے کی تصدیق کرتے ہوئے بتایا ہے کہ اس واقعے میں دیگر چھ فوجی زخمی بھی ہوئے۔ فی الحال یہ معلوم نہیں ہو سکا کہ اس بم دھماکے کے پس پردہ کون تھا۔ یمن میں حکومتی فورسز اور ایران نواز حوثی باغیوں کے درمیان جاری مسلح تنازعے اور سعودی قیادت میں اتحادی فورسز کی فضائی کارروائیوں کے نتیجے میں گزشتہ سات ماہ میں 5600 سے زائد افراد ہلاک ہو چکے ہیں۔