پیپلزپارٹی کو لیاری میں سیاسی تاریخ کا سب سے بڑا جھٹکا

فہد شبیر پیر 9 نومبر 2015 00:00

کراچی(اُردو پوائنٹ اخبارتازہ ترین۔8نومبر۔2015ء) پیپلزپارٹی کو سیاسی تاریخ کا سب سے بڑا جھٹکا لگا ہے اور اسے اپنے گڑھ لیاری سے کئی نشستوں پر کوئی امیدوار نہیں مل سکا۔ نجی ٹی وی کے مطابق پیپلزپارٹی کو اپنے گڑھ لیاری میں بلدیاتی انتخابات کے دوران کوئی امیدوار نہیں مل سکا جب کہ دور آمریت میں بھی لیاری پیپلزپارٹی کا گڑھ بن کر سامنے آیا تھا تاہم اب اسے بلدیاتی انتخابات کے لئے ٹکٹ دینے کے لئے کوئی جیالا نہیں ملا اور چیئرمین، وائس چیئرمین، کونسلر اور یونین کمیٹی کے لئے آزاد امیدوار میدان میں آئے ہیں۔

(جاری ہے)

جن نشستوں پر پیپلزپارٹی کے امیدوار سامنے آئے ہیں ان پر مخالف جماعتوں کے ساتھ سخت مقابلے کی توقع ظاہر کی جارہی ہے۔ پیپلزپارٹی کو لیاری سے 7 یونین کمیٹی پر چیئرمین اور وائس چیئرمین کا کوئی امیدوار نہیں ملا جب کہ وارڈ کونسلر کی 39 نشستوں پر کوئی جیالا امیدوار میدان میں نہیں اور یونین کمیٹی 6 موسی لین، یونین کمیٹی 5 کھڈہ میمن سوسائٹی، یونین کمیٹی 3 اور یو سی 4 نوا آباد سے پیپلزپارٹی کا کوئی امیدار انتخابی دوڑ میں نہیں۔ لیاری سے منتخب ہونے والے پیپلزپارٹی کے رکن صوبائی اسمبلی جاوید ناگوری کو کابینہ سے الگ کئے جانے کے باعث پارٹی کو لیاری میں شدید تنقید کا نشانہ بنایا جارہاہے۔

Facebook Twitter Google + Share on Whatsapp

پیپلزپارٹی کو لیاری میں سیاسی تاریخ کا سب سے بڑا جھٹکا

مزید اہم خبریں