عمران خان کے کسی کتے پر گھر میں پابندی نہیں تھی‘ برطانوی اخبار کی خبر غلط ہے ،ایک کتا ہمارے بیڈ روم میں ہی سوتا تھا، بنی گالہ کے گھر میں کبھی ڈانس کلاس کا اہتمام نہیں کیا گیا ، عمران خان نے ایس ایم ایس سے تین طاقیں نہیں بھیجیں،تحریک انصاف کے چیئر مین عمران خان کی سابق اہلیہ ریحام خان کا برطانوی اخبار کی رپورٹ پر ردعمل

اتوار 8 نومبر 2015 22:27

لندن (اُردو پوائنٹ اخبارتازہ ترین - آئی این پی۔8نومبر۔2015ء) تحریک انصاف کے چیئر مین عمران خان کی سابق اہلیہ ریحام خان نے برطانوی اخبار کی رپورٹ کو مستردکرتے ہوئے کہا ہے کہ عمران خان کے کسی کتے پر گھر میں پابندی نہیں تھی‘ برطانوی اخبار کی خبر غلط ہے ،ایک کتا عمران اور ریحام خان کے بیڈ روم میں ہی سوتا تھا۔ اتوا رکوتحریک انصاف کے چےئرمین عمران خان کی سابق اہلیہ ریحام خان نے برطانوی اخبار میں شائع ہونے والی خبر کو مسترد کرتے ہوئے کہاکہ برطانوی اخبار کا طلاق کے متعلق دعوی بے بنیاد ہے ، میں نے کبھی عمران خان کے کسی کتے پر کوئی پابندی نہیں لگائی جبکہ ایک کتا شیبرڈ تو ہمارے بیڈ روم میں ہی سوتا تھا۔

انہوں نے کہاکہ بنی گالہ کے گھر میں کبھی ڈانس کلاس کا اہتمام نہیں کیا گیا ، عمران خان نے ایس ایم ایس سے تین طاقیں نہیں بھیجیں۔

(جاری ہے)

ریحام خان نے کہا کہ گھر کے کسی نوکر کے داخلے پر پابندی بھی نہیں لگائی گئی تھی۔ عمران کے پانچ کتے ہیں جن میں سے کسی پر کوئی پابندی نہیں لگائی گئی۔واضح رہے کہ برطانوی اخبار ڈیلی میلنے دعویٰ کیا تھا کہ عمران خان اور ریحام کے درمیان بہت سے معاملات پر اختلافات تھے لیکن عمران کا کتوں سے بے پناہ لگاوٴ اور سابق اہلیہ جمائمہ خان سے تعلق عمران اور ریحام کے درمیان طلاق کی اصل وجہ بنا۔

اخبار نے رپورٹ میں انکشاف کیا ہے کہ عمران خان اور ریحام کے درمیان بہت سے معاملات پر اختلافات تھے، ریحام خان کے رشتہ دار جب چاہتے بنی گالہ آ جاتے لیکن عمران خان کے رشتہ دار اور دوستوں کا بنی گالہ آنا ریحام کو پسند نہیں تھا۔ رپورٹ میں مزید کہا گیا ہے کہ ریحام کو عمران خان کے کتوں کا بیڈ روم میں آنا بالکل بھی پسند نہیں تھا جب کہ عمران خان کا اپنی سابق اہلیہ جمائمہ سے تعلق بھی ریحام کو پسند نہیں تھا اور یہی اختلاقات دونوں کے درمیان طلاق کی اہم وجہ بنے۔

ریحام خان سیاست میں انٹری کے ساتھ عمران خان کو اپنے کنٹرول میں رکھنا چاہتی تھیں۔برطانوی اخبار کے مطابق عمران خان نے ریحام کو ایس ایم ایس پر 3 مرتبہ طلاق، طلاق، طلاق کا پیغام بھیجا اور ای میل بھی بھیجی۔ ریحام خان کو طلاق کا ایس ایم ایس برمنگھم ایئرپورٹ پہنچے پر ملا۔

پاکستان تحریک انصاف سے متعلق تازہ ترین معلومات

Facebook Twitter Google + Share on Whatsapp

متعلقہ عنوان :

مزید اہم خبریں