وفاقی دارلحکومت کے پہلے فرنیچر ایکسپو کا شاندار اختتام
تین روزہ نمائش میں ایک لاکھ سے زائد شائقین کی بھر پور شرکت
اتوار 8 نومبر 2015 17:45
اسلام آباد(اُردو پوائنٹ اخبارتازہ ترین - این این آئی۔8 نومبر۔2015ء)وفاقی دارلحکومت کا پہلا فرنیچر ایکسپو" انٹیرئیر پاکستان" شاندار انداز میں اختتام پذیر ہوگیا۔ تین روز تک جاری رہنے والی فرنیچر نمائش میں جڑواں شہروں اور دیگر علاقوں سے تعلق رکھنے والے ایک لاکھ سے زائد شائقین نے بھرپور شرکت کی۔ پاکستان فرنیچر کونسل کی جانب سے منعقد کی گئی نمائش کی اختتامی تقریب کا انعقاد گزشتہ روز (اتوار) مقامی ہوٹل میں کیا گیاجس میں سینٹ کی قائمہ کمیٹی برائے دفاع کے چیئرمین سینٹر مشاہد حسین سید مہمان خصوصی تھے جبکہ فرنیچر کی صنعت سے وابستہ ملک بھر سے تعلق رکھنے والے چنیدہ ماہرین اور فرنیچر ساز اداروں کے نمائندوں کے علاوہ شہریوں کی ایک بڑی تعداد بھی موجود تھی۔
سینٹ کی قائمہ کمیٹی برائے دفاع کے چیئرمین سینٹر مشاہد حسین سیدنے اختتامی تقریب سے خطاب کرتے ہوئے اپنی طرز کی پہلی منعقد کی جانے والی فرنیچر نمائش کے شاندار انعقاد پر پاکستان فرنیچر کونسل کے کردار کو سراہا اور اس امید کا اظہار کیا کہ پاکستان کی فرنیچر انڈسٹری عالمی سطح پر نمایاں مقام حاصل کرنے میں کامیاب رہے گی۔(جاری ہے)
پاکستان چین اقتصادی راہداری کے حوالے سے نہایت متحرک اور سرگرم کردار ادا کرنے والے سینٹر مشاہد حسین سید نے فرنیچر ساز اداروں کو اقتصادی راہداری کے کاروباری حوالے سے مکمل تعاون کی یقین دہانی کروائی۔
تفصیلات کے مطابق اسلام آباد میں پاکستان فرنیچر کونسل کی جانب سے منعقد کیے گئے انٹیرئیر پاکستان ایکسپو کا تیسرا روز انتہائی کامیاب رہا جس میں جڑواں شہروں کے علاوہ دیگر علاقوں سے آئے ہوئے مجموعی طورپر ایک لاکھ سے زائد افراد نے شرکت کی اور نمائش میں رکھی گئی فرنیچر مصنوعات ، ہنرمندوں کی کاریگری اور تخلیقی صلاحیتوں کو بے حد سراہا۔ ایکسپو کے تیسرے روز مقامی ہوٹل میں پاکستان میں فرنیچر انڈسٹری سے وابستہ تقریباً تمام چنیدہ اداروں نے اپنے اسٹالز کا اہتمام کیا اور نمائش میں آنے والے شہریوں کو رعائتی قیمتوں پر فرنیچر مصنوعات پیش کیں۔ تین روزہ انٹیرئیرپاکستان نمائش کا اہتمام ملک بھر کے فرنیچر انڈسٹری سے وابستہ اداروں کی نمائندہ تنظیم پاکستان فرنیچر کونسل نے یہاں ایک مقامی ہوٹل میں کیا ہے ۔اس موقع پر بات کرتے ہوئے پاکستان فرنیچر کونسل کے ڈائریکٹر رضوان امجد نے کہا کہ اس بار انٹیرئیر پاکستان وفاقی دالحکومت میں پہلی بار منعقد کی جارہی ہے جس کا بنیادی مقصد بین الاقوامی برادری کے نمائندوں ، سفیروں اور وفاقی حکومت کے اہم اداروں کو فرنیچر انڈسٹری کے حوالے آگاہی فراہم کرنا ہے ان کا کہنا تھا کہ ملک کی فرنیچر ایکسپورٹ اس وقت معیار کے حوالے سے بہت کم ہیں لیکن موجودہ حکومت نے اس سلسلے میں ہر ممکن تعاون کی یقین دہانی کروائی ہے۔ نمائش میں پیش کی گئی مصنوعات کے حوالے سے بات کرتے ہوئے ڈائریکٹر رضوان امجد نے کہا کہ ملک کے تقریباً تمام بڑے فرنیچر ساز اداروں ، انٹیرئیر ڈیزائینز اور عمارتی حسن سے وابستہ اداروں نے اپنے سٹالز لگائے ہیں جہاں ہر طرح کی اشیاء دستیاب ہیں۔ ان کے اندازوں کے مطابق جڑواں شہروں سمیت دوسروں علاقوں سے تعلق رکھنے والے تقریباً ڈیڑھ لاکھ افراد کی شرکت متوقع ہے۔ نمائش کے دوسرے روز پاکستان میں سفارتی حلقوں سے وابستہ غیر ملکی عہدے داران، فرنیچر ساز اداروں کے نمائندوں اور شہریوں کی ایک بڑی تعداد موجود تھی۔مزید قومی خبریں
-
چئیرمین سینٹ سید یوسف رضا گیلانی سے جنوبی پنجاب سیکریٹریٹ میں سابق وزیر خارجہ جلیل عباس جیلانی اور وفود کی ملاقاتیں
-
اسلام آباد، ڈرائیونگ لائسنس کی فیس میں 25فیصد اضافہ
-
پاکستان بیورو برائے شماریات کی ہفتہ وار رپورٹ جاری ،قیمتوں میں ہفتہ وار بنیادوں پر 1.39 فیصد کی نمایاں کمی
-
ڈیرہ اسماعیل خان پولیس کی کارروائی،ڈاکو گرفتار ، چھینی گئی رقم 6 لاکھ روپے برآمد
-
کامن ویلتھ یوتھ سیکرٹریٹ پاکستان میں بننے سے نوجوانوں کو 56ممالک تک رسائی ہو گی، رانا مشہود احمد
-
عدالت کا سیل کردہ تندور ڈی سیل اور گرفتارلوگوں کو رہا کرنے کا حکم
-
سپریم کورٹ،نیب ترامیم فیصلے کیخلاف اپیلوں پر سماعت کیلیے لارجربینچ تشکیل،سماعت 14مئی کوہوگی
-
اسلام آبادجیل تعمیر کا پہلا مرحلہ ریکارڈ 6 ماہ کی مدت میں مکمل کیا جائے گا،وفاقی وزیر داخلہ
-
وزیراعلیٰ پنجاب نے طلبہ کیلئے لیپ ٹاپ سکیم کی منظوری دیدی
-
شمالی وزیرستان، لڑکیوں کے نجی اسکول کو دھماکے سے اڑا دیا گیا
-
پا کستا ن کے تیسرے بڑے شہر فیصل آبا د میں ڈکیتی‘ راہزنی اور چوری کی وارداتوں کا سلسلہ جاری
-
چیئرمین و ڈپٹی چیئرمین سینیٹ کاگوادر میں معصوم مزدورں کے قتل پر افسوس کا اظہار
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.