بھارت میں اونچی ذات کے ہندو اساتذہ نے دلت طلبا کو پوجا سے روک دیا
دلت افراد نے قریبی تھانے میں اسکول ہیڈ ماسٹر اور دیگر اساتذہ کے خلاف ایف آئی آر درج کرادی صرف ایک دن ہی نہیں ہر روز نچلی ذات سے تعلق ہونے کی وجہ سے تعصب کا نشانہ بنایا جاتا ہے طلباء کی گفتگو
اتوار 8 نومبر 2015 15:21
اڑیسہ(اُردو پوائنٹ اخبارتازہ ترین - این این آئی۔8 نومبر۔2015ء) بھارت میں اونچی ذات کے ہندو اساتذہ نے دلت طلبا کو پوجا سے روک دیابھارتی میڈیا کے مطابق یہ واقعہ مشرقی ریاست اڑیسہ کے ساحلی علاقے آندراگرام میں پیش آیا جہاں بندے ماترم ہائی اسکول میں ہندووٴں کے ایک مذہبی تہوارکے سلسلے میں پوجا کی تقریب جاری تھی کہ اس دوران دسویں جماعت کی ایک طالبہ سویتا نے پوجا کے لیے ناریل توڑنے کے لیے اٹھایا تو اسکول کے اونچی ذات سے تعلق رکھنے والے اسپورٹس کے ٹیچر اشوک نے اسے روک دیا اور کہا کہ وہ ایک دلت ہے اس لیے وہ پوچا میں حصہ نہیں لے سکتی۔
سویتا نے احتجاج کیا تو اسکول کے دیگر اساتذہ نے بھی اسپورٹس ٹیچر کاساتھ دیا جب کہ اس موقع پر موجود اسکول کے ہیڈ ماسٹر نے سویتا سے کہا کہ اس قسم کے مسائل ان کی ذات والوں کی قسمت میں لکھ دیئے گئے ہیں۔(جاری ہے)
سوتیا کا کہنا تھا کہ ہیڈ ماسٹر صاحب کی بات سن کر وہ رونے لگی اور اس کے بعد اس نے گھر جانے کا فیصلہ کیا جس پر اساتذہ نیاس کی سائیکل کی چابی چھین لی اور سویتا سمیت 20 دیگردلت طلبا کو زبردستی ایک کمرے میں بند کردیا اور 5 گھنٹے بعد انہیں گھر جانے کی اجازت ملی۔
بعد ازاں دلت افراد نے قریبی تھانے میں اسکول ہیڈ ماسٹر اور دیگر اساتذہ کے خلاف ایف آئی آر درج کرادی ،طلبا نے اساتذہ کی جانب سے متعصبانہ اور توہین آمیز رویہ اختیار کرنے پر معافی مانگنے کا بھی مطالبہ کیا ہے۔اسکول کے دلت طلبا کے مطابق صرف ایک دن ہی نہیں انہیں ہر روز نچلی ذات سے تعلق ہونے کی وجہ سے تعصب کا نشانہ بنایا جاتا ہے۔ طلبا کے مطابق انہیں اسکول میں ہر جگہ جانے کی بھی اجازت نہیں، وہ کمپیوٹر لیب میں نہ تو جاسکتے ہیں اور نہ ہی انہیں کسی کمپیوٹر کو ہاتھ لگانے کی اجازت ہے جب کہ ان کے مقابلے میں اونچی ذات سے تعلق رکھنے والے ہندو طلبا پر کوئی روک ٹوک نہیں۔متعلقہ عنوان :
مزید بین الاقوامی خبریں
-
ناسا کے سربراہ کا خلا میں چینی فوج کی موجودگی کا دعویٰ
-
سپیس ایکس نے مزید 23 سٹار لنک انٹرنیٹ سیٹلائٹ زمین کے گرد مدار میں بھیج دیئے
-
غریب ممالک کے قرضوں کے بوجھ کو تیزی سے کم کرنے کے حل موجود ہیں، اقوام متحدہ
-
ایمریٹس ایئرلائن کا دبئی سے آپریشن بحال، مسافروں کو نئی بکنگ کرانے کی ہدایت
-
سعودی عرب میں ٹریفک چالان پر 50 فیصد رعایت کااعلان
-
عمان،سیلابی ریلے میں بیٹی کو سینے سے لگائے باپ کی ویڈیو نے دل دہلا دیئے
-
اقوام متحدہ نے غزہ کے لیے 2.8 ارب ڈالر کی فنڈنگ کی اپیل کردی
-
کوڑے دان سے ملا سونے، ڈالرزسے بھرا بیگ ایرانی شہری نے مالک کو واپس کردیا
-
ترجمے کی مضحکہ خیز غلطی، بھارتی ریلوے اسٹیشن پرلگا بورڈ وائرل ہوگیا
-
زائرین کو 40 برس سے مفت چائے پلانے والے بزرگ کا انتقال
-
غلط اندازہ اسرائیل ایران تصادم بڑھنے کا باعث بنا، امریکی میڈیا
-
کینیڈا،سونے اورکرنسی کی سب سے بڑی چوری، بھارتی اورپاکستانی ملوث
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.