بہار میں شرمناک شکست شیو سینا نے شکست کا ذمہ دارمو دی کو قرار دیدیا
تازہ ترین : 1

بہار میں شرمناک شکست شیو سینا نے شکست کا ذمہ دارمو دی کو قرار دیدیا

مودی کے مقابلے میں ریاست بہار کے وزیر اعلیٰ نتیش کمار ہیرو بن کر ابھرے ہیں شیو سینا

ممبئی (اُردو پوائنٹ اخبارتازہ ترین۔8 نومبر۔2015ء)ریاست بہار میں بی جے پی کی شکست کے بعد اس کی اولین اتحادی انتہا پسند ہندو جماعت شیو سینا نے اس شکست کا تمام تر ذمہ دار وزیر اعظم نریندر مودی کو قرار دیدیا ہے اور کہا ہے کہ مودی کے مقابلے میں ریاست بہار کے وزیر اعلیٰ نتیش کمار ہیرو بن کر ابھرے ہیں ۔شیو سینا کے رہنما سنجے راوت نے ابتدائی تبصرے میں کہا کہ یہ واضح طورپر نتیش کمار کی فتح ہے جو الیکشن میں مہا نائیک بن کر ابھرے ہیں اور لوگوں نے انہیں وزیر اعلیٰ کے طورپر ایک بار پھر قبول کیا ہے ۔

انہوں نے کہاکہ جس طرح 2014کے عام انتخابات میں کانگریس کی شکست کی ذمہ داری پارٹی کی صدر سونیا گاندھی نے قبول کی تھی اسی طرح بہار میں شکست کی ذمہ داری بھی وزیر اعظم مودی کو قبول کرنی چاہیے ۔

مزید متعلقہ خبریں پڑھئیے‎ :

وقت اشاعت : 08/11/2015 - 15:08:43

اپنی رائے کا اظہار کریں