اختلافات کے باوجود شاہ رخ کے فینز کی تعداد میں اضافہ
شاہ رخ کو ٹوئٹر پر ہندوستان کے دوسرے سب سے زیادہ فالو کیے جانے والی شخصیت کا اعزاز حاصل ہوگیا شاہ رخ کو ٹوئٹر پر فالو کرنے والے افراد کی تعداد 16 ملین تک جاپہنچی
اتوار 8 نومبر 2015 12:10
ممبئی (اُردو پوائنٹ اخبارتازہ ترین - این این آئی۔8 نومبر۔2015ء) تمام تر تنازع اور اختلافات کے باوجود بھی بولی وڈ کنگ شاہ رخ کے لیے اْن کے فینز کی محبت کم نہیں ہوئی اور اس کا سب سے بڑا ثبوت سماجی رابطے کی ویب سائٹس پر ان کی فین فالوونگ ہے، جس میں انھوں نے ہندوستانی وزیراعظم نریندرا مودی کو بھی پیچھے چھوڑ دیا ہے-شاہ رخ کو ٹوئٹر پر ہندوستان کے دوسرے سب سے زیادہ فالو کیے جانے والی شخصیت کا اعزاز حاصل ہوگیا ہے-بولی وڈ کے بگ بی امیتابھ بچن ٹوئٹر پر 17.6 ملین فالوورز کے ساتھ پہلے نمبر پر براجمان ہیں-شاہ رخ کو ٹوئٹر پر فالو کرنے والے افراد کی تعداد 16 ملین تک جاپہنچی ہے جبکہ ہندوستانی وزیراعظم 15.9 ملین فالوورز کے ساتھ تیسرے نمبر پر ہیں-بالی ووڈ کے بادشاہ نے 3 جنوری 2010 کو ٹوئٹر جوائن کیا تھا اور اس کے بعد سے اب تک انھیں فالو کرنے والے افراد کی تعداد میں مسلسل اضافہ ہورہا ہے-شاہ رخ ٹوئٹر کے ذریعے اپنے فینز سے مسلسل رابطے میں رہتے ہیں اور اکثر و بیشتر اپنے بچوں کی تصاویر، ویڈیوز، فلم پوسٹرز، ٹیزرز اور دیگر یادگار لمحات پوسٹ کرتے رہتے ہیں-کنگ خان اپنے مداحوں کے ساتھ ٹوئٹر پر سوال و جواب کے سیشن کے ذریعے بھی مسلسل رابطے میں رہتے ہیں جو انھیں مقبول بنانے میں اہم کردار ادا کرتا ہے-گذشتہ دنوں بولی وڈ سپر اسٹار کو ہندوستان میں بڑھتی ہوئی عدم برداشت کے حوالے سے بیان کے بعد ہندو انتہا پسندوں اور حکمراں جماعت کے رہنماوٴں کی جانب سے شدید تنقید کا سامنا کرنا پڑا، جس میں انھیں پاکستانی ایجنٹ اور غدار جیسے الفاظ سے نوازا گیا-بی جے پی کے رہنما کیلاش وجے وارگیا کا کہنا تھا کہ شاہ رخ خان رہتے ہندوستان میں ہیں لیکن ان کا دل ہمیشہ پاکستان میں رہتا ہے، ان کی فلمیں یہاں کروڑوں روپے کماتی ہیں لیکن انہیں ہندوستان پْرتشدد نظر آتا ہے۔
(جاری ہے)
مزید فن و فنکار کی خبریں
-
نینا گپتا اورویوین رچرڈز کی بیٹی مسابا کے ہاں ننھے مہمان کی آمد متوقع
-
50 سال سے زائد عمر کی خواتین سرخ لپ اسٹک لگاتے ہوئے شرماتی ہیں، ٹوئنکل کھنہ
-
فلم کی کمائی کے پہلے چیک سے چائے اور پکوڑے والے کا ادھار چکایا تھا،منوج باجپائی
-
سلمان خان اگلے ماہ فلم سکندر کی شوٹنگ کا آغاز کریں گے
-
بھارتی اداکارہ شلپا شیٹھی کے شوہر کی کروڑوں کی جائیداد ضبط
-
اپنے لیے خود کھڑی ہوں، کہیں سے مدد نہیں آئیگی، مایا خان کا خواتین کو مشورہ
-
میں نے کبھی دوبارہ شادی کرنے کا سوچا بھی نہیں، ابرارالحق
-
سلمان خان کی رہائش گاہ پر فائرنگ کیلئے 4 لاکھ کی ڈیل تھی، ملزمان کا انکشاف
-
سلمان خان کے گھر کے باہر سیکیورٹی بڑھادی گئی
-
عثمان مختار کا مستقبل میں کبریٰ خان کیساتھ کام کرنے سے انکار
-
مومنہ اقبال کی کرکٹرز کے میسجز سے متعلق بیان کی وضاحت
-
معروف اداکارہ نیمل خاور نے اپنے پرستاروں کے ساتھ براہ راست رابطے کیلئے یو ٹیوب چینل کا آغاز کردیا
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.