پا ک بھا رت کشیدگی باعث تشویش ہے۔بان کی مون
جمعرات 22 اکتوبر 2015 12:09
نیویارک(اُردو پوائنٹ اخبار تازہ ترین۔ 22 اکتوبر۔2015ء)اقوام متحدہ کے سیکریٹری جنرل بانکی مون نے حل طلب دیرینہ مسئلہ کشمیر کے حوالے سے فکر مندی ظاہر کرتے ہوئے ایک بار پھر کہا ہے کہ اگر بھارت اور پاکستان درخواست کریں تو وہ دونوں ملکوں کے درمیان تعلقات کی بحالی کیلئے اپنا اثر و رسوخ استعمال کرنے کیلئے تیار ہیں۔ بانکی مون نے بھارت اور پاکستان کو کشیدگی پر قابو پانے کا مشورہ دیتے ہوئے امید ظاہر کی ہے کہ دونوں ہمسایہ ممالک اس مقصد کیلئے مذاکراتی عمل بحال کریں گے۔
اقوام متحدہ کے سیکریٹری جنرل کے نائب ترجمان فرہان حق نے نیویارک میں نامہ نگاروں کے ساتھ گفتگو کے دوران بھارت اور پاکستان کے درمیان تعلقات اور مسئلہ کشمیر کے بارے میں عالمی ادارے کے سربراہ کے موقف کی وضاحت کی۔(جاری ہے)
اس سوال پر کہ بانکی مون دونوں ملکوں کو تعلقات کی بحالی کیلئے کیا مشورہ دیتے ہیں اور کیا وہ اس سلسلے میں کوئی کردار ادا کریں گے؟فرہان حق نے کہاکہ جس طرح اقوام متحدہ کا ادارہ کام کرتا ہے ، دونوں فریقین کی طرف سے باضابطہ درخواست موصول ہونی چاہئے۔
مسئلہ کشمیر کے بارے میں ان کا کہنا تھاکہ بان کی مون ماضی میں بھی تنازعہ کشمیر کا ذکر کرتے آئے ہیں، وہ اب بھی فکر مند ہیں اور اس پر ہمارے پاس کوئی نئی بات نہیں ہے۔انہوں نے کہاکہ سیکریٹری جنرل نے بھارت اور پاکستان کے درمیان کشیدگی اور تناؤ پر تشویش کا اظہار کرتے ہوئے دونوں جوہری طاقتوں پر زور دیا ہے کہ وہ کشیدگی کم کرنے کیلئے فوری اقدامات کریں۔انہوں نے کہا کہ اقوام متحدہ دونوں ملکوں کے درمیان تمام تنازعات کا پر امن حل چاہتا ہے اور اسکے لئے دونوں ملکوں کی حوصلہ افزائی جاری رکھے گا۔نائب ترجمان نے بتایاکہ ہمیں امید ہے کہ دونوں ملکوں کی سیاسی قیادت پر امن مذاکرات اور افہام و تفہیم کے ذریعے موجودہ صورتحال کا ازالہ کرنے کی کوشش کریں گے۔جب ان سے یہ پوچھا گیا کہ کیاسیکریٹری جنرل تنازعہ کشمیر کے حل کے حوالے سے بھارت پر زور دیں گے؟ تو فرہان حق نے کہاامید ظاہر کی کہ دونوں ممالک کی قیادت بات چیت کے ذریعے مسائل کا حل تلاش کرے گی۔مزید اہم خبریں
-
نوازشریف ملکی مفاد کی خاطرعمران خان سے بات چیت کیلئے تیار ہیں، رانا ثناء اللہ
-
بجلی چوری ، ایف آئی اے فیصل آباد زون کی بڑی کاروائیاں وفاقی وزیرداخلہ محسن رضا نقوی کی ہدایات پر بجلی چوری میں ملوث عناصر کیخلاف کریک ڈائون جاری
-
سپریم کورٹ کا کراچی میں رینجرز ہیڈ کوارٹرزسمیت تمام عمارتوں کے باہر سے رکاوٹیں ہٹانے کا حکم
-
پاکستان نے امریکی محکمہ خارجہ کی جاری کردہ انسانی حقوق سے متعلق رپورٹ مسترد کردی
-
"رینٹ اے پرائم منسٹر"
-
پی ٹی آئی کی تحریکوںملکی معیشت کو ناقابل تلافی نقصان پہنچا،شیری رحمان
-
سپریم کورٹ کا نسلہ ٹاور کی زمین بیچ کر الاٹیز کو معاوضہ ادا کرنے کا حکم
-
اگلے 5 دنوں میں طوفانی بارشوں کے باعث کسانوں کا بے تحاشہ نقصان ہونے کا خدشہ
-
ہم سب کو کسی سے سیاسی انتقام نہ لینے کا عزم کرنا چاہیے، متحد ہوکرملک کو درپیش بھنور سے نکالا جا سکتا ہے، سینیٹراسحٰق ڈار
-
سپیکر قومی اسمبلی سردارایازصادق کی زیر صدارت قومی اسمبلی کی قائمہ کمیٹیوں کی تشکیل کے حوالے سے اجلاس
-
بانی پی ٹی آئی ، پرویزالٰہی ، علی نوازاعوان و دیگرکے خلاف جوڈیشل کمپلیکس توڑپھوڑ کیس کی سماعت
-
مہنگائی کے بوجھ تلے دب جانے والی عوام پر گرمیوں کے آغاز میں ایک اور بجلی بم گرانے کی تیاریاں
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.