سعودی عرب میں بھارتی گھریلو ملازمہ کاہاتھ کاٹے جانے کے بھارت کے واویلے کا ڈراپ سین

خاتون نے تیسری منزل سے چھلانگ لگائی ،اس وجہ سے ہاتھ کٹ گیا،سعودی پولیس

ہفتہ 17 اکتوبر 2015 20:20

سعودی عرب میں بھارتی گھریلو ملازمہ کاہاتھ کاٹے جانے کے بھارت کے واویلے ..

ریاض (اُردو پوائنٹ اخبار تازہ ترین۔ 17 اکتوبر۔2015ء) سعودی عرب میں بھارتی گھریلو ملازمہ کاہاتھ کاٹے جانے کی خبر کا ڈراپ سین ہو گیا۔تفصیلات کے مطابق کچھ دن پہلے سوشل میڈیا پر ایک خبر نے تہلکہ مچا دیا تھاکہ سعودی عرب میں بھارتی گھریلو ملازمہ کا سعودی مالکان نے کسی بات کی سزا کے طور پر ہاتھ کاٹ دیاتھااور وہ خاتون ہسپتال میں داخل تھی مگر تفتیش کے بعد ریاض پولیس حکام کے ترجمان فواد المیمن نے اس ساری کہانی پر سے پردہ اٹھا دیاہے اور حقیقت سارے ڈرامے کے برعکس نکلی۔

سعودی عرب میں 55سالہ بھارتی گھریلوملازمہ کستوری پر کسی نے تشدد کیااور نہ ہی اسکا ہاتھ کاٹا بلکہ وہ خاتون سعودی مالکان کے گھر سے چوری بھاگ رہی تھی اور اس غرض سے کستوری نے تیسری منزل سے چھلانگ لگادی تھی جس کے باعث گرنے سے اس کا ہاتھ کٹ گیااور وہ ہسپتال میں زیر علاج ہے۔

(جاری ہے)

ڈاکٹروں نے پولیس کو بتای کہ خاتون ملازمہ کاہاتھ گرنے کے باعث ٹوٹااور الگ ہوگیا ہے مگر اب اسکی طبیعت بہتر ہے۔

ترجمان نے مزیدکہاکہ گھریلوملازمہ سے متعلق سوشل میڈیاپر چلنے والی خبروں میں کوئی صداقت نہیں وہ جھوٹ کاپلندہ ہیں۔انہوں نے کہاکہ سعودی عر ب میں تمام شہریوں کو برابر ی حاصل ہے ،خاتون کے ہسپتال سے ڈسچارج ہونے کے بعد کیس میں مزید ہیش رفت ہوگی۔یاد رہے سعودی عرب میں بھارتی سفیر نے واقعہ کی آزاداور خودمختار انکوائری کامطالبہ کیاتھا۔