ڈیرہ غازی خان ،(ن) لیگی رکن قومی اسمبلی امجد فاروق کھوسہ کے ڈیرے پر دھماکہ‘ مقامی رہنماء سمیت 7افراد جاں بحق 13 زخمی ،سردار امجد فاروق موجود نہ ہونے پر محفوظ رہے’وزیراعظم ، وزیراعلیٰ ، عمران خان، آصف زرداری، سراج الحق سمیت دیگر کی دھماکے کی شدید مذمت’ وزیراعلیٰ پنجاب اور آئی جی پنجاب نے واقعہ کی رپورٹ طلب کرلی
بدھ 14 اکتوبر 2015 13:34
ڈیرہ غازی خان/اسلام آباد (اُردو پوائنٹ اخبار تازہ ترین۔ 14 اکتوبر۔2015ء) ڈیرہ غازی خان کے علاقے تونسہ میں مسلم لیگ (ن) کے رکن قومی اسمبلی امجد فاروق کھوسہ کے ڈیرے پر دھماکے کے نتیجے میں (ن)لیگ کے مقامی رہنماء سمیت 7افراد جاں بحق جبکہ 13 زخمی ہوگئے ،سردار امجد فاروق اسلام آباد ہونے کے باعث محفوظ رہے،وزیراعظم نواز شریف وزیراعلیٰ پنجاب ، عمران خان، آصف زرداری، سراج الحق سمیت دیگر کی دھماکے کی شدید مذمت،وزیراعلیٰ پنجاب اور آئی جی پنجاب نے واقعہ کی رپورٹ طلب کرلی۔
تفصیلات کے مطابق بدھ کی صبح ڈیرہ غازی خان کے نواحی علاقے تونسہ میں مسلم لیگ(ن)کے رکن قومی اسمبلی امجد فاروق کھوسہ کے گھر سے ملحقہ ڈیرے و سیاسی امور کیلئے قائم الیکشن آفس میں دھماکے کے نتیجے میں 7افراد جاں بحق جبکہ 13زخمی ہو گئے، مقامی ذرائع کے مطابق دھماکے کی آواز کئی کلو میٹر دور تک سنی گئی،دھماکے کے وقت لوگوں کی بڑی تعداد ڈیرے پر موجود تھی، دھماکہ خود کش تھا،ڈسٹرکٹ پولیس آفسر ڈی جی خان نے 7افرد کے جاں بحق ہونے کی تصدیق کرتے ہوئے کہا ہے کہ واقعے میں 15سے زائد افراد زخمی بھی ہوئے ہیں، جنہیں تحصیل ہیڈکوارٹر اسپتال تونسہ منتقل کیا گیا ہے۔(جاری ہے)
دوسری طرف رکن قومی اسمبلی امجد فاروق کھوسہ اسلام آباد میں ہونے کے باعث خوش قسمتی سے محفوظ رہے۔ میڈیا کو اپنی خیریت سے آگاہ کرتے ہوئے انہوں نے کہا کہ میرے کئی عزیز و اقارب بھی جاں بحق و زخمی ہوئے ہیں۔پولیس ذرائع کے مطابق حادثے کے نتیجے میں مسلم لیگ (ن) کے مقامی رہنماء اختر تنگوانی سمیت 7 افراد جاں بحق ہوئے جبکہ 13شدید زخمی ہیں، ہلاکتوں میں اضافے کاخدشہ ظاہر کیا جا رہاہے۔
دھماکا اس قدر شدید تھاکہ دور تک آواز اس کی آواز سنی گئی، فوری طور پر دھماکے کی نوعیت کے بارے میں معلوم نہیں ہوسکا ۔وزیراعظم نواز شریف، وزیراعلیٰ پنجاب شہباز شریف، تحریک انصاف کے چیئرمین عمران خان، سابق صدر آصف علی زرداری اور امیر جماعت اسلامی سراج الحق سمیت دیگر سیاسی شخصیات نے دھماکے کی شدید الفاظ میں مذمت کی جبکہ وزیراعلیٰ پنجاب شہباز شریف اور آئی جی پنجاب نے واقعے کا نوٹس لے کر فوری پر ڈی پی او ڈی جی خان سے رپورٹ طلب کرلی۔ وزیراعلیٰ پنجاب نے زخمیوں کوفوری طور پر طبی امداد فراہم کرنے کی ہدایت کی۔مزید اہم خبریں
-
ایف آئی اے افسر کی عدالت پیشی پر طبیعت خراب، ہسپتال میں انتقال ہوگیا
-
پاکستان اور ایران کے تعلقات وقت کے ساتھ مزید مضبوط ہوں گے، ایرانی صدر
-
پنجاب میں صوبائی انفورسمنٹ اتھارٹی کے قیام کی منظوری دیدی گئی
-
عمران خان کمپرومائز نہیں کرینگے اور اس ماہ کے آخر تک جیل سے باہر آجائیں گے،اسد قیصر
-
پاکستان، ایران دہشت گرد تنظیموں پر پابندی عائد کرنے پر متفق
-
آئی ایم ایف اسی ماہ قسط جاری کرسکتا ہے‘ کوئی پلان بی نہیں، وزیر خزانہ
-
’ایران سے تجارت کے خواہشمند پابندیوں سے خبردار رہیں‘
-
بشریٰ بی بی کی اچانک طبیعت خراب، بنی گالہ میں طبی معائنہ
-
نریندر مودی کے اپنی انتخابی مہم میں مسلمانوں کو نشانہ بنانے پر کانگریس کی الیکشن کمیشن میں درخواست
-
بارشوں کا نیا سلسلہ ملک میں داخل ہو گیا
-
صدر ابراہیم رئیسی کامشہد سے تہران تک کا سیاسی سفر‘سیاہ عمامہ ان کے آل رسولﷺ کی نشاندہی کرتا ہے
-
اسرائیلی اپوزیشن لیڈر یائیر لپیڈ کا وزیراعظم بنجمن نیتن یاہو سے مستعفی ہونے کا مطالبہ
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.