دہشتگردی کے خلاف جنگ میں جامع حکمت عملی اپنانا ہو گی، سربراہ پا ک فضائیہ
ہفتہ 10 اکتوبر 2015 12:30
واشنگٹن(اُردو پوائنٹ اخبار تازہ ترین۔ 10 اکتوبر۔2015ء) پا ک فضائیہ کے سربراہ ایئر چیف سہیل امان نے کہا ہے کہ پاکستان تمام ہمسایہ ممالک کے ساتھ بہتر تعلقات چاہتا ہے تاہم الزام تراشیوں کے باعث خطے میں امن ممکن نہیں۔
(جاری ہے)
نیشنل ڈیفنس یونیورسٹی واشنگٹن میں قلیدی مقرر کی حیثیت سے خطاب کرتے ہوئے ایئر چیف سہیل امان کا کہنا تھا کہ ہم بھارت سمیت خطے کے تمام ممالک کے ساتھ امن چاہتے ہیں تاہم الزام تراشیوں کے باعث امن قائم نہیں ہو سکتا، انکا کہنا تھا کہ ہمیں خطے میں رونما ہونے والی تبدیلیوں کو سمجھتے ہوئے دہشتگردی کے خلاف جنگ میں جامع حکمت عملی اپنانا ہو گی، افغانستان کے دیرینہ مسئلے اور مشرق وسطیٰ کے تصفیہ طلب مسائل خطے میں دیرپا امن کے لئے پیشگی شرائط ہیں، اسی لئے ضرورت اس بات کی ہے کہ پاکستان کے افغانستان میں امن عمل کی مکمل حمایت کی جائے، دہشگردی کے خلاف پاکستانی قوم کی جانب سے دی جانے والی قربانیوں کا ذکر کرتے ہوئے ایئر چیف کا کہنا تھا کہ پاکستان نے دہشتگردی سے سب سے زیادہ متاثر ہونے کے باعث سب سے زیادہ جانی و مالی نقصان اٹھایا ہے، پاک فضائیہ کے سربراہ کا کہنا تھا کہ فضائیہ کی اہم کارروائیوں سے دہشتگردوں کی کمر توڑنے میں مدد ملی ہے، انہوں نے پاکستان کے اس عزم کا اعادہ کیا کہ دہشتگردی کے خلاف جنگ میں ہر قیمت پر کامیابی حاصل کی جائے گی،ایئر چیف مارشل سہیل امان نے مزید کہا کہ افغانستان کے امن عمل کو اس کی اصل روح اور سچائی کے ساتھ قبول کرنے کی ضرورت ہے اور اس کے لیے اسٹیک ہولڈرز (پاکستان، افغانستان اور طالبان) کو سنجیدہ مذاکرات میں شامل ہونا چاہیے، جسے عالمی برادری کی حمایت حاصل ہو۔
مزید اہم خبریں
-
زرمبادلہ ذخائر میں مزید اضافہ ہو گیا
-
سگریٹ کو مزید مہنگا کرکے نوجوانوں کو تمباکو نوشی سے دوررکھا جاسکتا ہے
-
وفاقی حکومت نے کابینہ کی ای سی ایل کمیٹی کی تشکیل نو کردی
-
سندھ حکومت کا آئندہ ہفتے 2 تعطیلات کا اعلان
-
حکومت اور جماعتوں کو مل کرخفیہ ایجنسیوں کی سیاست میں مداخلت کوروکنا چاہیے
-
افغانستان میں جنگی جرائم کی تحقیقات، برطانوی وزیرکو سزا ملنے کا امکان
-
کیا ترکی شامی پناہ گزینوں کی غیر قانونی ملک بدری کررہا ہے؟
-
عدلیہ میں کسی قسم کی مداخلت برداشت نہیں ہوگی
-
جون سے فیز وائز پلاسٹک بیگز کو بین کردیاجائیگا‘مریم اورنگزیب
-
عمران خان سمیت اڈیالہ جیل کے تمام قیدیوں سے ملاقاتوں پرپابندی ختم
-
رانا مشعود احمد خان اور ڈاکٹرمختار بھرت وزیراعظم کے کوآرڈینیٹر مقرر
-
وفاقی وزیر داخلہ محسن نقوی کاایک روزہ دورہ پشاور،کمانڈنٹ ایف سی نے ائرپورٹ پراستقبال کیا
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.