کراچی : پی آئی اے نے اپنے کرایوں میں 20 سے 30 فیصد تک کمی کا اعلان کر دیا۔

Sumaira Faqir Hussain سمیرا فقیرحسین منگل 1 ستمبر 2015 13:15

کراچی : پی آئی اے نے اپنے کرایوں میں 20 سے 30 فیصد تک کمی کا اعلان کر دیا۔

کراچی(اردو پوائنٹ تازہ ترین اخبار. یکم ستمبر 2015 ء) : قومی ائیر لائن پی آئی اے نے اپنے کرایوں میں 20 سے 30 فیصد تک کمی کا اعلان کردیا، کمی کا اطلاق تین ستمبر سے ہوگا جبکہ عوام اس سہولت سے تیس اکتوبر تک مفید ہو سکیں گے. تفصیلات کے مطابق پی آئی اے نے بزنس کلاس کے کرائے میں 30 فیصد اور اکانومی کلاس کے کرائے میں 20 فیصد کمی کا اعلان کیا ہے، بیرون ملک جانے والی پروازیں نیویارک، ٹورنٹو، پیرس، میلان، کوپن ہیگن، بیجنگ، کولالمپور، سعودی عرب اور متحدہ عرب امارات شامل ہیں۔

(جاری ہے)

پی آئی اے کے ڈائریکٹر مارکیٹنگ خرم مشتاق کے مطابق کرایوں میں کمی عوام کو سستی سفری سہولت کی فراہمی سمیت قومی ادارے کے ریونیو میں اضافے کا سبب بھی بنے گی۔ ذرائع کے مطابق قومی ایئرلائن اندرون ملک سفر کرنے والوں کے لئے بھی سستی سفری سہولیات فراہم کرنے کا پلان تشکیل دے رہی ہے.

متعلقہ عنوان :