امید ہے پاکستان اور بھارت کے تعلقات معمول پر آجائیں ، نریندر مودی اپنے ذاتی ایجنڈے پر عمل درآمد کررہے ہیں ، علاقائی سیاست میں جب ہمسائے تبدیل نہیں ہو سکتے تو اس حقیقت کو جلد سمجھ جانا ہی بہتر ہے ، پاکستان بھارت کے ساتھ بامقصد مذاکرات کیلئے ہمیشہ دو قدم آگے بڑھا لیکن دوسری طرف سے ان جذبات کا مثبت جواب نہیں دیا گیا
چیئرمین سینیٹ رضاربانی کی مقبوضہ کشمیر سے پاکستان کا دورہ کرنے والے صحافیوں کے وفد سے ملاقات میں گفتگو
پیر 24 اگست 2015 22:35
اسلام آباد ( اُردو پوائنٹ اخبار تازہ ترین۔ 24 اگست۔2015ء ) چیئرمین سینیٹ میاں رضاربانی نے اس توقع کا اظہار کیا کہ پاکستان اور بھارت کے تعلقات معمول پر آجائیں گے ، ایسا نظر آتا ہے کہ وزیراعظم نریندر مودی اپنے ذاتی ایجنڈے پر عمل درآمد کررہے ہیں ، علاقائی سیاست میں جب ہمسائے تبدیل نہیں ہو سکتے تو اس حقیقت کو جلد سمجھ جانا ہی بہتر ہے ، پاکستان بھارت کے ساتھ بامقصد مذاکرات کیلئے ہمیشہ دو قدم آگے بڑھا ہے اور ہمیشہ تعلقات کی بہتری کی کوشش کی لیکن دوسری طرف سے ان جذبات کا مثبت جواب نہیں دیا گیا۔
وہ پیرکو پارلیمنٹ ہاؤس میں مقبوضہ کشمیر سری نگر سے پاکستان کا دورہ کرنے والے کشمیری صحافیوں کے 12 رکنی وفد سے ملاقات کے دوران گفتگو کررہے تھے ۔ اس موقع پر ڈپٹی چیئرمین سینیٹ مولانا عبدالغفور حیدری بھی موجود تھے ۔(جاری ہے)
چیئرمین سینیٹ میاں رضاربانی نے کشمیری صحافیوں کے وفد سے گفتگو میں کہا کہ مسئلہ کشمیر کا حل صرف اقوام متحدہ کی قرار دادوں پر عمل درآمد سے ہی ممکن ہے جب ایک دفعہ کشمیری عوام کی امنگوں کو مد نظر رکھتے ہوئے مسئلے کے حل کے طریقہ کار پر اتفاق ہو گیا تو اس کا حل ممکن ہے ۔
میاں رضاربانی نے کہا کہ اگر دیوار برلن اور حال ہی میں ایران اور مغرب کے درمیان تنازعات حل ہو سکتے ہیں تو کشمیر کے معاملے کو طول کیوں دیا جارہا ہے مسئلہ کشمیر کے حل سے بھارت اور پاکستان کے درمیان اقتصادی اور ثقافتی تعلقات کی بہتری میں مدد ملے گی ۔انہوں نے کہا کہ مسئلہ کشمیر کے حل میں تاخیر کی ایک وجہ مغرب کی پالیسی ہے جس کوعالمی مفادات کی وجہ سے نظرانداز کیا جارہا ہے کیونکہ افغانستان اور مشرق وسطیٰ کے معاملات میں ایسا ہی نظر آتا ہے ۔انہوں نے کہا کہ بھارت ایک بڑی مارکیٹ ہے اور امریکا چین کے توڑ کیلئے بھارت کو استعمال کرنا چاہتاہے ۔چیئرمین سینیٹ نے مقبوضہ کشمیر میں انسانی حقوق کی خلاف ورزیوں پر کہا کہ مقبوضہ کشمیر میں کوئی روز ایسا نہیں گزرتا جب وہاں انسانی حقوق کی خلاف ورزی نہ ہوتی ہو لیکن مغربی دارلحکومتوں پر جوں تک نہیں رینگتی ۔اور یہ تمام عوامل مسئلہ کشمیر کے حل کیلئے کی جانے والی کوششوں کو سبوتاژکر رہے ہیں ۔انہوں نے کہا کہ پاکستان نے مسئلہ کشمیر سے اپنی توجہ بالکل نہیں ہٹائی اور ہم کشمیر ی عوام کے حقوق کو ہر عالمی فورم پر بلند کرتے رہیں گے ۔ڈپٹی چیئرمین سینیٹ مولانا عبدالغفور حیدری نے وفد کا خیر مقدم کرتے ہوئے کہا کہ مسئلہ کشمیر کے حل کے بغیر خطے میں امن قائم نہیں ہوسکتا ۔ انہوں نے کہا کہ پاکستان اور بھارت کے مابین پارلیمانی وفود کے تبادلے ہورہے ہیں اور توقع ہے کہ جاری رہیں گے ۔مزید اہم خبریں
-
پی ٹی اے نے ٹیکس ریٹرن فائل نہ کرنے والوں کی موبائل سمز بلاک کرنے کی تجویزمستردکردی
-
ایک اور آٹو کمپنی کا گاڑی کی قیمت میں لاکھوں روپے کی کمی کا اعلان
-
گرمیوں کے آغاز پر عوام پر نیا "بجلی بم" گرانے پر غور
-
چیف جسٹس کی مدت ملازمت میں توسیع شرم ناک عمل ہو گا
-
صنعت کار انڈسٹری لگائیں ، منافع کمانا آپ کا حق ہے‘بجٹ میں صنعتی پالیسی لا رہے ہیں.رانا تنویر حسین
-
ملک کو درپیش چیلنجز سے نمٹنے کے لیے مل کر کام کرنا ہوگا، 27سو ارب کے محصولات کی ریکوری کیلئے قانون بن چکا ہے ، ملک موجودہ محصولات سے تین گنا زیادہ محصولات اکٹھا کرنے کی صلاحیت رکھتا ہے،محمد شہبا ز ..
-
سعودی عرب زراعت ، معدنیات، آئی ٹی،آئل ریفائنری ، سولر، پاورڈسٹری بیوشن اورپاور پروڈکشن میں سرمایہ کاری کرنے میں دلچسپی رکھتا ہے.وفاقی وزیرپیٹرولیم
-
ریونیوکلیکشن سب سے بڑا چیلنج ہے، سالانہ وصولیوں کا ہدف تین سے چار گنا کرپشن ،فراڈ اور لالچ کی نظر ہورہا ہے. شہبازشریف
-
بلاول بھٹو نے وزیراعظم سے ملاقات میں کابینہ میں شامل ہونے کیلئے مثبت جواب دیا
-
چیف جسٹس کی مدت کا فکس ہونا عدالت کے وسیع تر مفاد میں ہے
-
حافظ نعیم الرحمن سے محمود اچکزئی، اسد قیصر کی ملاقات، احتجاجی تحریک میں شمولیت کی دعوت قبول کر لی
-
معاشی چیلنجز سے نمٹنے کے لیے سیاسی استحکام ،پالیسیوں کے تسلسل کی ضرورت ہے‘احسن اقبال
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.