ڈالر104روپے سے تجاوز کر گیا ،روپے کی ویلیو ڈالر کے مقابلے میں کم ہونے سے ملکی قرضو ں میں اربو ں روپے کا اضافہ ہو گیا ‘ اعجا ز چوہدری

لاہور ( اُردو پوائنٹ اخبار تازہ ترین۔ 24 اگست۔2015ء) پاکستا ن تحریک انصاف کے چیئرمین عمران خان کے سیا سی مشیر اعجا زاحمد چوہدری نے کہا ہے کہ ڈالر104روپے سے تجاوز کر گیا ہے اور روپے کی ویلیو ڈالر کے مقابلے میں کم ہو گی ہے جس کی وجہ سے ملکی قرضو ں میں اربو ں روپے کا اضافہ ہو گیا ہے ۔ عالمی منڈ یو ں میں پیٹر ولیم مصنوعات کی قیمتیں مسلسل گر رہی ہے جبکہ نا اہل حکمران پاکستا نی عوام کو ریلیف دینے کی بجائے ٹیکسوں میں اضافہ کر کے عوام کی جیبو ں پر اربو ں روپے کا ڈاکہ ڈال رہے ہیں ۔

گزشتہ روز این اے 127کے مرکزی دفتر میں ملاقات کے لئے آنے والے نور بھابھہ ، شبیر سیال ، نذ یر چوہان ، فیا ض بھٹی ، رانا زاہد اقبال ، آفتاب گل ، یو سف خان ، ملک طارق کھو کھر ، بلا ل جاوید ، فیا ض سکندر بھڈیررہ، زاہد چوہدری ، ایو ب گھلو ، بلا ل چوہدری و دیگر رہنما و ں سے گفتگو کر تے ہوئے اعجاز احمدچوہدری نے کہا کہ (ن)لیگ "اشتہار اور فو ٹو سیشن لیگ "بن چکی ہے حکومتی وزراء عوام کو گمراہ کرنے کیلئے سارا دن بیا نات دیتے رہتے ہیں اور حکمران اشتہار ات اور فو ٹو سیشن کے ذریعے اپنی حکومت چلا رہے ہیں جبکہ عملی طو رپر ان کی کا رگر دگی صفر ہے ۔

(جاری ہے)

انہو ں نے کہا کہ نااہل حکمرانو ں نے میٹر وبس ، دانش سکول ، گرین ٹیکسی ،سستا تندور ،لیپ ٹاپ سمیت دیگر ناکام سکیمو ں پر اربو ں روپے جھونک دئیے ہیں مگر انتہائی افسو س کی بات ہے کہ ہسپتالو ں میں مریضو ں کو ادویات میسر نہیں ہے اورٹیسٹ کروانے کیلئے مشینیں موجود نہیں ہیں اور لاکھو ں مریض مہینوں خوار ہو رہے ہیں ۔ انہو ں نے کہا کہ ملک میں جرائم کی سطح میں خطر ناک حد تک اضا فہ ہو چکا ہے کسی کی عزت اور جان و مال تک محفوظ نہیں ہے جبکہ حکمران مغل با دشاہ بنے ہو ئے ہیں، جس ملک کے عوام غریب اور حکمران امیر ہو ں گے تو ملک کیسے ترقی کر ے گا ؟انہو ں نے کہا کہ حکمران آئی ایم ایف اور امریکہ کی غلامی چھوڑ کر ملکی اور عوامی مسائل کو حل کرنے کیلئے مثبت حکمت عملی اپنا ئیں ورنہ ان کا حشربھی پیپلز پارٹی سے مختلف نہ ہو گا۔