کراچی میں رینجرز سے مقابلے میں ہلاک ہونے والے القاعدہ کے دہشت گرد احد علی شاہ کوسائٹ حیدرآباد کے علاقے میں سپردخاک کر دیا گیا
دہشت گردوں میں سے ایک کی شناخت پیپلزپارٹی ضلع حیدرآباد کے ڈپٹی سیکریٹری اطلاعات اور سندھ یونیورسٹی کے ملازم سید کمال کے بیٹے کی حیثیت سے ہوئی
ہفتہ 22 اگست 2015 22:29
حیدرآباد(اُردو پوائنٹ اخبار تازہ ترین۔ 22 اگست۔2015ء) کراچی میں رینجرز سے مقابلے میں ہلاک ہونے والے القاعدہ کے دہشت گرد احد علی شاہ کوسائٹ حیدرآباد کے علاقے میں سپردخاک کر دیا گیا۔
(جاری ہے)
کراچی میں گلشن اقبال کے علاقے میں گذشتہ دنوں رینجرز سے مقابلے میں دو دہشت گرد مارے گئے تھے جبکہ حساس ادارے کا ایک اسسٹنٹ ڈائریکٹر بھی شہید ہو گیا تھا، مارے گئے دہشت گردوں میں سے ایک کی شناخت پیپلزپارٹی ضلع حیدرآباد کے ڈپٹی سیکریٹری اطلاعات اور سندھ یونیورسٹی کے ملازم سید کمال کے بیٹے کی حیثیت سے ہوئی ہے، دونوں مارے گئے دہشت گردوں کے بارے میں بتایا گیا تھا کہ وہ القاعدہ کے لئے کام کر رہے تھے اور دہشت گردی کا کوئی بڑا منصوبہ بنا رہے تھے کہ ان کا رینجرز سے مقابلہ ہو گیا تھا، سید کمال شاہ زیل پاک کالونی کے ایک بنگلے میں رہائش پذیر ہیں جہاں ان کے بیٹے کی ہلاکت پر تعزیت کا سلسلہ جاری ہے، پیپلزپارٹی ضلع حیدرآباد کے صدر زاہد بھرگڑی اور دیگر رہنماؤں نے بھی کمال شاہ کے گھر جا کر ان سے اظہار تعزیت کیا، زیل پاک کالونی قبرستان میں تدفین کے وقت بھی پیپلزپارٹی کے کئی کارکن اور رہنما شریک تھے، سید کمال شاہ کا کہنا ہے کہ انہیں اپنے بیٹے کے القاعدہ سے تعلق اور دہشت گردی کی سرگرمیوں میں ملوث ہونے کا کوئی علم نہیں ہے تاہم احد علی شاہ نے مہران انجینئرنگ یونیورسٹی جامشورو سے انجینئرنگ کی ڈگری حاصل کی تھی اور تین مہینے پہلے وہ لاپتہ ہو گیا تھا جس پر اس نے حالی روڈ تھانہ پر گمشدگی کی رپورٹ بھی درج کرائی تھی، کمال شاہ نے بتایا کہ تین چار روز پہلے اسے پتہ چلا تھا کہ احد شاہ گلشن اقبال کراچی میں رینجرز سے مقابلے میں مارا گیا ہے اور اس کا القاعدہ سے تعلق ہونے کا دعویٰ کیا گیا ہے جس پر وہ گلشن اقبال تھانے گئے جہاں اسے بھی زیرحراست رکھ کر تحقیقات کی گئی تاہم پوچھ گچھ کے بعد انہیں چھوڑ دیا گیا اور گذشتہ روز احد شاہ کی میت اس کے حوالے کی گئی جسے وہ حیدرآباد لایا اور زیل پاک کالونی قبرستان میں تدفین عمل میں آئی، کمال شاہ نے کہا کہ اس کا اپنے بیٹے کی سرگرمیوں سے کوئی تعلق نہیں ہے نہ وہ اس کی سرگرمیوں سے باخبر تھا، سید کمال شاہ پیپلزپارٹی کا عہدیدار اور سندھ یونیورسٹی کا ملازم ہے اس نے زیل پاک یونین کے جنرل سیکریٹری احمد شاہ سے زیل پاک کالونی میں 25 لاکھ روپے کا بنگلہ خریدا تھا جس میں وہ گذشتہ کئی سال سے رہائش پذیر ہے جبکہ اس نے زیل پاک مارکیٹ کے متنازعہ علاقے میں کئی دوکانیں بھی بنا رکھی ہیں اور زیل پاک یونین کے ساتھ مل کر کمرشل منصوبے پر بھی کام کر رہا ہے۔
مزید اہم خبریں
-
بدترین معاشی حالات اور شہریوں کی قوت خرید میں کمی سے کاروں اور دیگر گاڑیوں کی فروخت میں تنزلی
-
متحدہ عرب امارات اور دیگر خلیجی ممالک میں طوفانی بارشوں سے ماحولیاتی سائنسدانوں میں نئی بحث چھڑگئی
-
متحدہ عرب امارات میں طوفانی بارشوں کا سلسہ تھم گیا‘زندگی معمول پر آنے لگی
-
ضروریات زندگی کی بڑھتی قیمتوں سے خاندانوں پر دباﺅبڑھ رہا ہے‘شہریوں کے حقوق اورگڈ گورننس کیلئے اصلاحات ناگزیرہیں.صدر آصف زرداری
-
آسٹریلیا میں تعینات پاکستانی ہائی کمشنر زاہد حفیظ چوہدری کی سڈنی چاقو حملہ میں زخمی ہونے والے پاکستانی نوجوان کی ہسپتال میں عیادت
-
وفاقی وزیرداخلہ محسن نقوی کی ڈیرہ اسماعیل خان کے علاقے میں کسٹم اہلکاروں پر فائرنگ کے واقعہ کی مذمت
-
وزیر خارجہ محمد اسحاق ڈار سے امریکی سفیر ڈونلڈ بلوم کی ملاقات
-
کوئی پسند نہ پسند نہیں ، صحافیوں کوجلد برابری کی بنیاد پرپلاٹ مہیا کئے جائیں گے‘عظمیٰ بخاری
-
نواز شریف نے کہاہمسائیوں سے لڑائی نہیں کرنی،دوستی کے دروازے کھولیں،دلوں کے دروازے کھولیں،راستے کھولیں‘مریم نوازشریف
-
آرمی چیف جنرل سید عاصم منیر سے ترک چیف آف جنرل اسٹاف جنرل متین گیوراک کی ملاقات ، باہمی دلچسپی، دفاعی، تربیت اور علاقائی امن و استحکام کو فروغ دینے سمیت دیگر امور پر تبادلہ خیال
-
وزیرِ اعظم محمد شہباز شریف کی زیرِ صدارت بجلی شعبے کے حوالے سے اقدامات کے جائزہ پر اعلیٰ سطحی اجلاس کا دوسرا دور
-
وزیراعظم سے یورپی یونین کی سفیر کی ملاقات
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.