موجودہ حکومت جدید بنیادی سہولتوں کو عوام کی دہلیز تک پہنچانے کے مشن پر گامزن ہے‘حاجی اکرم انصاری
ہفتہ 4 جولائی 2015 22:38
فیصل آباد۔4جولائی (اُردو پوائنٹ اخبار تازہ ترین۔ 04 جولائی۔2015ء)موجودہ حکومت جدید بنیادی سہولتوں کو عوام کی دہلیز تک پہنچانے کے مشن پر گامزن ہے اس سلسلے میں پہلے سے دستیاب سہولتوں کو اپ گریڈ کیا جارہا ہے اور سوئی گیس کی وسیع پائپ لائن کی بدولت حلقہ کی بیشتر آبادیوں کو گیس کے کم پریشر کی شکایت دور ہوگی۔یہ بات چےئرمین سٹینڈنگ کمیٹی برائے ہاؤسنگ اینڈورکس حاجی محمداکرم انصاری نے 6کروڑ روپے کی لاگت سے نڑوالا روڈمرضی پورہ سے اے بی سی سینما چوک الیاس پارک تک 10انچ موٹی گیس پائپ لائن بچھانے کا کام مکمل ہونے کے بعد سوئی گیس کا شعلہ جلا کر پریشر بڑھانے کا افتتاح کرتے ہوئے کہی۔
ایم پی اے محمدنواز ملک،سابق ایم پی اے خواجہ محمداسلام،محمدارشدنازاور حلقہ کے دیگر کارکنوں کے علاوہ عمائدین علاقہ کی بڑی تعداد اس موقع پر موجود تھی۔(جاری ہے)
حاجی اکرم انصاری نے کہا کہ حلقہ این اے 85میں بہت سی آبادیاں ایسی تھیں جہاں گیس کے کم پریشر کا مسئلہ درپیش تھاجس کے حل کے لئے موثر اقدامات کئے گئے اور سوئی گیس پائپ لائن کی بدولت بڑی آبادیوں کو گیس کی کمی کامسئلہ دور ہوگا۔
انہوں نے کہا کہ حلقہ کو ہر لحاظ سے ترقی یافتہ بنانا ان کے ایجنڈے میں سرفہرست ہے اورلوگوں کو تعلیم،صحت،مواصلات سمیت دیگر شعبوں میں ہر ممکن سہولیات فراہم کی جارہی ہیں۔انہوں نے کہا کہ حلقہ کے عوام سے کئے ہوئے ایک، ایک وعدہ کو پورا کیا جارہا ہے اورآئندہ تین سالوں میں کوئی گلی،محلہ اورعلاقہ بنیادی سہولتوں سے محروم نہیں رہے گا۔حاجی اکرم انصاری نے بتایا کہ حلقہ میں کھیلوں کی تعمیر وترقی کے لئے بھی اقدامات کئے جارہے ہیں اور 15کروڑ روپے سے کلیم شہید پارک میں جمنیزیم قائم کیا جارہا ہے جہاں 22 مختلف کھیلوں کی سہولیات میسر ہوں گی اور اس منصوبے کا افتتاح عنقریب کردیا جائے گا۔ایم پی اے محمدنواز ملک نے کہا کہ وزیراعلیٰ محمدشہبازشریف کی قیادت میں حکومت پنجاب کے ترقیاتی پروگرام کے تحت علاقائی ترقی پر خصوصی توجہ دی جارہی ہے اور سوئی گیس کے پریشر میں اضافہ کے لئے خطیر فنڈز سے پائپ لائن بچھانے کا کام مکمل کیا گیا ہے جس سے عوام کی مشکلات کا ازالہ ہوگا۔سابق ایم پی اے خواجہ محمداسلام نے کہا کہ ایم این اے حاجی اکرم انصاری علاقہ کے مسائل کے حل میں گہری دلچسپی لے رہے ہیں اور سوئی گیس کے پریشر میں اضافہ کے لئے خطیر فنڈز کی فراہمی ان کی کوششوں کا نتیجہ ہے ۔اس موقع پر اہل علاقہ نے سوئی گیس کے پریشر کو بڑھانے کے لئے پائپ لائن بچھانے کاکام مکمل ہونے پر ایم این اے حاجی اکرم انصاری اور ایم پی اے محمدنواز ملک کا شکریہ ادا کیا اور کہا کہ سوئی گیس میں کمی کے باعث مشکلات کا سامنا تھا لیکن منتخب نمائندوں نے ان کے مسائل کا ازالہ کردیاہے جس کے لئے وہ ان کے بے حد مشکور ہیں۔مزید اہم خبریں
-
ہم اربوں ڈالر یوکرین اور روس کے کسانوں کو تو دے دیتے ہیں تاہم چند ہزار اپنے کسانوں کو نہیں دے رہے
-
ہم نئی جماعت نہیں لا رہے،بس ملک کو ایک نئی سوچ کی ضرورت ہے
-
وہ ڈاکو جنہوں نے گندم امپورٹ کی، جو کسان کے گلے پر چھری پھیر رہے ہیں انہیں اسلام آباد میں الٹا لٹکائیں
-
اگر انتخابی نظام اور نئے الیکشن کی بات ہوتی ہے توسب بات کریں گے
-
SECP ایس ا ی سی پی کا انشورنس سیکٹر میں IFRS 17 لاگو کرنے پر زور
-
میں اگر پروآرمی یا پروانسٹیٹیوٹ ہوں تو میں بالکل پرو آرمی ہوں
-
وزیراعظم شہبازشریف سے چیئرمین بزنس مین گروپ محمد زبیر موتی والا کی سربراہی میں کراچی چیمبر کے وفد کی ملاقات، پاکستان میں کاروباری برادری کو درپیش مختلف مسائل کے حوالے سے بریفنگ
-
آصف علی زرداری سے آسٹریلیا کے ہائی کمشنر نیل ہاکنز کی ملاقات
-
کسی عمومی کمیٹی کے اوپر خصوصی کمیٹی کی تشکیل درست نہیں ،سپیکر قومی اسمبلی
-
متحدہ عرب امارات میں پاکستان سفارت خانہ ابوظہبی کی جانب سے یوم پاکستان کی مناسبت سے استقبالیہ کا اہتمام
-
بے ضابطگیوں اور آزادانہ مشاہدے پر پابندیوں نے انتخابی عمل پر شکوک و شہبات کو بڑھا دیا
-
ڈاکٹر سید ابراہیم رئیسی کا دورہ اسلام آباد،پاک ایران کا مشترکہ اعلامیہ جاری
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.