زرداری کے سامنے تمام سیاستدان سیاسی نا بالغ ہیں،پہلی ملاقات 2009ء میں واشنگٹن ڈی سی میں ہوئی ‘ ڈاکٹر تنویر زمانی، 1986ء میں بھٹو ازم سے نکاح ہو چکا ،عزیر احمد بلوچ سے ماں کا رشتہ استوار کیا ہے تو میں اس رشتے کو نبھا کر بھی دکھاؤں گی ،صرف 12روزکے لئے پاکستان آئی ہوں ،پاکستان آنے کا مقصد بجھتے ہوئے چراغوں کو روشنی دینا ہے‘ انٹر ویو میں گفتگو
جمعہ 3 جولائی 2015 23:29
لاہور(اُردو پوائنٹ اخبارتازہ ترین - این این آئی۔3 جولائی۔2015ء) پاکستان پیپلز پارٹی کی رہنما ڈاکٹر تنویر زمانی نے کہا ہے کہ میں 1986ء میں نکاح کر چکی ہوں اور میرا نکاح بھٹو ازم سے ہوا ہے ،اگر میں نے عزیر احمد بلوچ سے ماں کا رشتہ استوار کیا ہے تو میں اس رشتے کو نبھاؤں گی اور تحقیقی اداروں سے بھی کہتی ہوں کہ وہ شفاف تحقیقات کریں ،صرف 12روزکے لئے پاکستان آئی ہوں اور میرا پاکستان آنے کا مقصد بجھتے ہوئے چراغوں کو روشنی دینا ہے،آصف علی زرداری کے سامنے تمام سیاستدان سیاسی نا بالغ ہیں ،سیاست میں آنے والی خواتین سے کہتی ہوں کہ وہ تمام بندھن توڑ کر سیاست میں آئیں۔
ایک انٹرویومیں ڈا کٹر تنویر زمانی نے کہا کہ میں بیس سال بعد پاکستان آئی ہوں اور میں سمجھتی ہوں کہ میں نے اپنی تعلیم مکمل کرنے کے ساتھ خود کو مالی طور پر مستحکم کر لیا ہے اور میں سیاسی طو رپر بھی میچور ہو گئی ہوں ۔(جاری ہے)
تاہم انہوں نے یہ بھی کہا کہ میں 12روز کے لئے پاکستان آئی ہوں اور 9جولائی کو میری دوبارہ امریکہ واپسی ہے ۔ جب میں سمجھوں گی کہ اب مجھے کوئی فیصلہ لینا ہے تو میں فیصلہ لوں گی ۔
انہوں نے کہا کہ میں نے بھٹو کے مزار پر ہاتھ رکھ کر پارٹی کے منشور میں تین ترامیم کی بات کی ہے اور میں سمجھتی ہوں کہ یہ صرف پیپلز پارٹی ہی نہیں تمام جماعتوں کی ضرورت ہے ۔ پیپلز پارٹی سے ان کا کوئی تعلق نہ ہونے کے حوالے سے جاری پریس بارے سوال کے جواب میں ڈاکٹر تنویر زمانی نے کہا کہ یہ جمیل سومرو کے میڈیا سیل سے جاری ہوئی اور شاید ان کے پاس میرے بارے میں اطلاعات نہیں تھیں ۔ مجھے پارٹی میں کوئی عہدہ نہیں لینا ۔ میں پاکستان میں بجھتے ہوئے چراغوں کو روشنی دینے آئی ہوں اور میں سمجھتی ہوں کہ ا گر میں مائنڈ سیٹ تبدیل کرنے میں کامیاب ہو جاتی ہوں تو یہ میری بڑی کامیابی ہے۔ انہوں نے بعض پارٹی رہنماؤں کی طرف سے پارٹی چھوڑنے کے سوال کے جواب میں کہا کہ پارٹی میں چاہے جسے عہدہ ملا ہے یا نہیں ملا مایوسی بڑھی ہے اور جس میں جیالا پن ہے اس میں بھی مایوسی سرائیت کر رہی ہے میں اس کے لئے بھی آئی ہوں ۔ انہوں نے ایک ملزم کو بیٹا کہنے کے سوال کے جواب میں کہا کہ پاکستان کا ہر نوجوان میرا بیٹا ہے ۔ اگر میں نے عزیر بلوچ کو بیٹا کہا ہے تو میں اس رشتے کو بر قرار رکھوں گی او رنبھا کر دکھاؤں گی ۔ میں تحقیقات کرنے والے اداروں سے بھی کہتی کہ شفاف تحقیقات کریں ۔ انہوں نے بتایا کہ میری آصف علی زرداری سے پہلی ملاقات 2009ء میں واشنگٹن ڈی سی میں ہوئی تھی ۔ اپنی شادی کے حوالے سے سوال کے جواب میں انہوں نے کہا کہ میرا نکاح 1986ء میں ہو چکا ہے او رمیرا نکاح بھٹو ازم سے ہواہے ۔ میں سیاست میں آنے والی ہر عورت سے کہتی ہوں کہ اگر اس طرف آنا چاہتی ہے تو وہ سارے بندھن توڑ کر آئے تاکہ اسے پھر اپنے باپ کو علاج کے لئے لندن نہ بھجوانا پڑے ۔ اپنے خاوند کو وزیر خزانہ نہ بنوانا پڑے کیونکہ اگر وہ رشتے ساتھ لے کر آئی تو اسے اپنے شوہر ،سسر اور نند کا دباؤ برداشت کرنا پڑے گا او رمیں ان سب سے آزاد ہوں ۔انہوں نے کہا کہ جب آئیڈیالوجی سے شادی کی بات کرتے ہیں تو پھر کسی گنجائش کی باقی ضرورت نہیں رہتیمتعلقہ عنوان :
مزید اہم خبریں
-
پاکستان میں سال 2023 کے دوران موبائل فون صارفین کی تعداد میں 37 لاکھ کی ریکارڈ کمی
-
اینٹ کا جواب پتھر سے دیا جائیگا،دہشتگردوں سے مذاکرات نہیں ہونگے،اعظم نذیر تارڑ
-
رمضان شوگر مل ریفرنس کیس وزیراعظم شہبازشریف اور حمزہ شہبازکی حاضری سے معافی کی درخواست منظور
-
سپیکر پرلازم ہے کہ وہ آئین اور قانون کی پاسداری کریں،عمر ایوب
-
اقوام متحدہ میں فلسطین کی مکمل رکنیت کی قرارداد کو امریکہ نے ویٹو کر دیا
-
ایران پر اسرائیل کے حملے اور دھماکوں کے بعد پروازیں معطل
-
سٹاک مارکیٹ میں اضافہ غیر ملکی خریداروں کا بڑھتا ہوا رحجان ہے،محمد اورنگزیب
-
روس نے جرمن فاونڈیشن پر پابندی لگا دی
-
چین میں پاکستان کے سفیر کا دارالحکومت بیجنگ میں ہواوے کے نمائشی مرکز کا دورہ ، منصوبوں اور پاکستان کے ساتھ شراکت داری پر تبادلہ خیال
-
آرمی چیف جنرل عاصم منیرسے سعودی عرب کے معاون وزیر دفاع میجر جنرل طلال بن عبداللہ الاوطیبی کی ملاقات
-
ایران : اصفہان میں دھماکوں کی آوازیں اسرائیل نے میزائل حملہ کیا‘امریکی میڈیا کا دعوی
-
پاکستان کی معیشت 2047 تک تین ٹریلین ڈالرتک بڑھنے کی صلاحیت رکھتی ہے، سعودی سرمایہ کاروں کے لیے بینکاری اور سرمایہ کاری کے قابل منصوبے پیش کر یں گے، وزیرخزانہ محمداورنگزیب کی واشنگٹن میں ملاقاتوں ..
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.