پاکستان کی طرف سے بی بی سی کی رپورٹ کے حوالے سے تعاون مانگا گیا تو ضرور کریں گے، اگر بی بی سی کی رپورٹ درست ثابت ہوئی تو ہماری کوشش ہو گی کہ ملوث شر پسند عناصر کے خلاف کارروائی کی جائے، ہمارے لئے عمران فاروق قتل کیس بہت اہم معاملہ ہے، ملزمان کے تبادلے پر ابھی کوئی بات چیت نہیں ہوئی، برطانوی ہائی کمشنر فلپ بارٹن کی وزیر داخلہ چوہدری نثارسے ملاقات سے قبل میڈیا سے گفتگو
جمعرات 25 جون 2015 23:44
اسلام آباد(اُردو پوائنٹ اخبارتازہ ترین - آئی این پی۔25 جون۔2015ء) برطانوی ہائی کمشنر فلپ بارٹن نے کہا ہے کہ پاکستان کی طرف سے بی بی سی کی رپورٹ کے حوالے سے تعاون مانگا گیا تو ضرور کریں گے، اگر بی بی سی کی رپورٹ درست ثابت ہوئی تو ہماری کوشش ہو گی کہ ملوث شر پسند عناصر کے خلاف کارروائی کی جائے، ہمارے لئے عمران فاروق قتل کیس بہت اہم معاملہ ہے، ملزمان کے تبادلے پر ابھی کوئی بات چیت نہیں ہوئی۔
وہ جمعرات کو وفاقی وزیر داخلہ چوہدری نثار علی خان سے ملاقات کرنے سے پہلے میڈیا سے گفتگو کر رہے تھے۔ فلپ بارٹن نے کہا کہ ابھی تک پاکستان کی طرف سے بی بی سی کی رپورٹ کے حوالے سے کوئی بات نہیں کی گئی، اگر پاکستان اس پر برطانیہ سے کسی قسم کا تعاون مانگا تو بھرپور تعاون کریں گے۔(جاری ہے)
انہوں نے کہا کہ بی بی سی علیحدہ ادارہ ہے، اس کا حکومت سے کوئی تعلق نہیں اور اس قسم کے الزامات کی تحقیقات برطانوی پولیس سکارٹ لینڈ یارڈ کرتی ہے اور وہ بھی ایک خود مختار ادارہ ہے، لیکن برطانوی حکومت بی بی سی کی رپورٹ کی تحقیقات میں سکارٹ لینڈ یارڈ کو مکمل سپورٹ کرے گی اور کوشش ہو گی کہ شفاف تحقیقات کی جائیں پھر اگر اس میں الزامات درست ثاب ہو گئے تو ہماری کوشش ہو گی کہ اس میں ملوث شر پسند عناصر کے خلاف سخت سے سخت کارروائی کی جائی۔
فلپ بارٹن نے کہا کہ ہمارے لئے عمران فاروق قتل کیس انتہائی اہم معاملہ ہے، اس پر ابھی تک پاکستان سے ملزمان کے تبادلے کی کوئی بات نہیں کی گئی، ہماری کوشش ہے کہ یہ معاملہ وزرائے اعظم کی سطح پر لے جایا جائے تا کہ اس میں ملزمان کی تبدیلی پر تبادلہ خیال کیا جا سکے، بی بی سی کی رپورٹ پر مزید تبصرہ سے گریز کرتے ہوئے فلپ بارٹن نے کہا کہ میں مزید تبصرہ نہیں کرنا چاہتا کیونکہ میں پاکستان میں ہوں، برطانوی حکومت کا ترجمان ہوں بی بی سی کا نہیں۔متعلقہ عنوان :
مزید اہم خبریں
-
ہم اربوں ڈالر یوکرین اور روس کے کسانوں کو تو دے دیتے ہیں تاہم چند ہزار اپنے کسانوں کو نہیں دے رہے
-
ہم نئی جماعت نہیں لا رہے،بس ملک کو ایک نئی سوچ کی ضرورت ہے
-
وہ ڈاکو جنہوں نے گندم امپورٹ کی، جو کسان کے گلے پر چھری پھیر رہے ہیں انہیں اسلام آباد میں الٹا لٹکائیں
-
اگر انتخابی نظام اور نئے الیکشن کی بات ہوتی ہے توسب بات کریں گے
-
SECP ایس ا ی سی پی کا انشورنس سیکٹر میں IFRS 17 لاگو کرنے پر زور
-
میں اگر پروآرمی یا پروانسٹیٹیوٹ ہوں تو میں بالکل پرو آرمی ہوں
-
وزیراعظم شہبازشریف سے چیئرمین بزنس مین گروپ محمد زبیر موتی والا کی سربراہی میں کراچی چیمبر کے وفد کی ملاقات، پاکستان میں کاروباری برادری کو درپیش مختلف مسائل کے حوالے سے بریفنگ
-
آصف علی زرداری سے آسٹریلیا کے ہائی کمشنر نیل ہاکنز کی ملاقات
-
کسی عمومی کمیٹی کے اوپر خصوصی کمیٹی کی تشکیل درست نہیں ،سپیکر قومی اسمبلی
-
متحدہ عرب امارات میں پاکستان سفارت خانہ ابوظہبی کی جانب سے یوم پاکستان کی مناسبت سے استقبالیہ کا اہتمام
-
بے ضابطگیوں اور آزادانہ مشاہدے پر پابندیوں نے انتخابی عمل پر شکوک و شہبات کو بڑھا دیا
-
ڈاکٹر سید ابراہیم رئیسی کا دورہ اسلام آباد،پاک ایران کا مشترکہ اعلامیہ جاری
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.