پی پی 97 سے ہمارا امیدوار جیتا، پی ٹی آئی اور ق لیگ دعویدار

فہد شبیر اتوار 21 جون 2015 23:08

گوجرانوالا(اُردو پوائنٹ اخبارتازہ ترین۔21جون۔2015ء)گوجرانوالا میں پی ٹی آئی کے امیدوار ناصر چیمہ کی جیت پر مسلم لیگ (ق) کہتی ہے کہ ناصر چیمہ سائیکل کے نشان پر الیکشن لڑے، جس نشان پر لڑے اسی کے ایم پی اے قرار پائیں گے جبکہ پی ٹی آئی کہتی ہے کہ سائیکل کا نشان ایک مجبوری تھا۔ وہ پی ٹی آئی میں شامل ہو چکے ہیں۔گوجرانوالا کے حلقہ پی پی 97 کے تینتیس حلقوں میں ری پولنگ کے غیر سرکاری اور غیر حتمی نتائج کے مطابق ناصر چیمہ کامیاب قرار پائے ہیں۔

(جاری ہے)

دلچسپ صورتِ حال اس وقت سامنے آئی جب مسلم لیگ (ق) نے دعویٰ کر دیا کہ ناصر خان پی ٹی آئی کے امیدوار نہیں ہیں۔ انہوں نے سائیکل کے نشان پر الیکشن لڑا ہے۔ وہ جس پارٹی کے نشان پر لڑے ہیں اسی کے ممبر صوبائی اسمبلی قرار پائیں گے۔ (ق) لیگ کے حلقوں کا دعویٰ ہے کہ یہ فتح پی ٹی آئی کی نہیں بلکہ مسلم لیگ (ق) کی ہے۔ دوسری طرف پی ٹی آئی کا موقف ہے کہ ناصر چیمہ پی ٹی آئی میں شامل ہو چکے ہیں۔ وہ مجبوری کے باعث سائیکل کے نشان پر الیکشن لڑے۔ اب دیکھنا یہ ہے کہ ایک کامیاب امیدوار پر دو پارٹیوں کے دعوے سے کوئی قانونی پیچیدگی پیدا ہو گی یا نہیں۔

Facebook Twitter Google + Share on Whatsapp

پی پی 97 سے ہمارا امیدوار جیتا، پی ٹی آئی اور ق لیگ دعویدار

مزید اہم خبریں