ہفتہ اور اتوار سے بالائی پنجاب، ہزارہ ڈویژن، زیریں سندھ اورکشمیر میں پری مون
سون بارشیں ہوں گی، محکمہ موسمیات
جمعہ 19 جون 2015 21:31
اسلام آباد ۔ 19 جون (اُردو پوائنٹ اخبار تازہ ترین۔ 19 جون۔2015ء) ہفتہ اور اتوار سے بالائی پنجاب، ہزارہ ڈویژن، زیریں سندھ اور کشمیر میں پری مون سون بارشیں ہوں گی۔ محکمہ موسمیات نے رمضان کے پہلے عشرے کے دوران ملک کے مختلف علاقوں میں 3 سے 4 بارشوں کی پیشنگوئی کی ہے۔ ہفتہ سے جمعرات کے دوران اسلام آباد، راولپنڈی، گوجرانوالہ اور لاہور ڈویژن میں کہیں کہیں تیز/گرد آلود ہواؤں اور گرج چمک کے ساتھ 3 سے 4 بارشوں کا امکان ہے۔
ہزارہ ڈویژن اور کشمیر میں ہفتہ سے جمعرات کے دوران اکثر مقامات پر 3 سے 4 بارشوں کا امکان ہے۔ اتوار سے بدھ کے دوران پشاور، کوہاٹ، مردان، بنوں، فیصل آباد، سرگودھا اور ساہیوال ڈویژن میں چند مقامات پر تیز/گرد آلود ہواؤں اور گرج چمک کے ساتھ 2 سے 3 بارشوں کا امکان۔(جاری ہے)
پیر سے جمعرات کے دوران ڈی آئی خان، ژوب، سبی، ملتان، ڈی جی خان اور بہاولپور ڈویژن میں چند مقامات پر تیز/گرد آلود ہواؤں اور گرج چمک کے ساتھ 1 سے 2 بارشوں کا امکان ہے۔
ہفتہ سے منگل کے دوران میرپورخاص ڈویژن میں چند مقامات پر تیز/گرد آلود ہواؤں اور گرج چمک کے ساتھ 1 سے 2 بارشوں کا امکان ہے۔ آئندہ 24گھنٹوں کے دوران ملک کے بیشتر علاقوں میں موسم شدید گرم اور مرطوب رہے گا تاہم میر پور خاص، بنوں، کوہاٹ، ہزارہ، راولپنڈی ڈویژن، فاٹا اور کشمیر میں چند مقامات پر تیز/گرد آلود ہواؤں اور گرج چمک کے ساتھ بارش کا امکان ہے۔ گزشتہ 24 گھنٹوں کے دوران ملک کے بیشتر علاقوں میں موسم گرم اور مرطوب رہا۔ جمعہ کو سب سے زیادہ درجہ حرارت بھکر میں 48، موئنجو داڑو، کوٹ ادو، نور پور تھل، لاڑکانہ، بہاولنگر 47، سبی، سکھر، رحیم یار خان، لسبیلہ، اوکاڑہ، شورکوٹ 46 ڈگری سینٹی گریڈ ریکارڈ کیا گیا۔مزید موسم کی خبریں
-
کراچی میں گرمی بڑھ گئی، درجہ حرارت 38 ڈگری تک جانے کا امکان
-
لاہور میں سورج کی تپش سے گرمی کا زور بڑھ گیا
-
ملک کے بالائی علاقوں میں چند مقامات پر گرج چمک کے ساتھ ہلکی بارش کا امکان ہے، محکمہ موسمیات
-
محکمہ موسمیات خیبرپختونخوا کی آئندہ ہفتے بارشوں اور برفباری کی پیشن گوئی
-
کراچی میں سردی کی لہر برقرار، درجہ حرارت 10ڈگری سینٹی گریڈ ریکارڈ
-
لاہور سمیت پنجاب کے مختلف علاقوں میں ہلکی بارش سے موسم خوشگوار
-
محکمہ موسمیات کی آئندہ ہفتہ شہر لاہور میں بارش کی پیش گوئی
-
25 فروری کو آنے والے سسٹم کے زیراثرکراچی میں بھی بارش کا امکان
-
ملک کے بالائی، وسطی علاقوں میں 17 سے 21 فروری تک بارشوں کی پیشگوئی
-
لاہور سمیت پنجاب بھر میں موسلادھار بارش سے سردی میں اضافہ
-
31جنوری سے 4فروری تک بارش اورپہاڑوں پر برف باری پیشگوئی
-
ہفتہ کے روز سے ملک کے بیشتر علاقوں میں بارش کی توقع
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.