حکومت نے گزشتہ دو سالوں کے دوران بزرگوں، ماؤں، بہنوں، بیٹیوں اور بھائیوں کی دعاؤں سے اقتصادی و معاشی اور دفاعی اعتبار سے ان گنت کامیابیاں حاصل کیں، پاکستان روز بروز ترقی کی منازل طے کر رہا ہے

وزیراعظم محمد نواز شریف کا ماہ رمضان کی آمد پر پیغام

جمعرات 18 جون 2015 19:56

حکومت نے گزشتہ دو سالوں کے دوران بزرگوں، ماؤں، بہنوں، بیٹیوں اور بھائیوں ..

اسلام آباد ۔ 18 جون (اُردو پوائنٹ اخبار تازہ ترین۔ 18 جون۔2015ء) وزیراعظم محمد نواز شریف نے کہا ہے کہ حکومت نے گزشتہ دو سالوں کے دوران بزرگوں، ماؤں، بہنوں، بیٹیوں اور بھائیوں کی دعاؤں سے اقتصادی و معاشی اور دفاعی اعتبار سے ان گنت کامیابیاں حاصل کیں، آپریشن ضرب عضب نے دہشت گردوں کے خلاف جنگ میں لاتعداد کامیابیاں حاصل کی ہیں اور پاکستان روز بروز ترقی کی منازل طے کر رہا ہے۔

ماہ رمضان کی آمد پر اپنے پیغام میں وزیراعظم نے اپنی اور اپنی حکومت کی طرف سے اہل پاکستان کو رمضان کی آمد کی مبارکباد دی اور کہا کہ الله تعالیٰ ہم سب کو اس مقدس مہینے کی رحمتیں اور برکتیں سمیٹنے کی ہمت اور توفیق عطاء فرمائے۔ انہوں نے ہم وطنوں سے درخواست کی کہ وہ اس بابرکت مہینے میں اپنے ہم وطن کو ہر گز نہ بھولیں اور ہمیشہ اپنی دعاؤں میں یاد رکھیں۔

(جاری ہے)

انہوں نے کہا کہ دشمن ہر روز نت نئی سازشوں میں مصروف ہے اور پاکستان میں عدم استحکام پیدا کرنے کے در پے ہے تاہم ہم انشاء الله دشمن کو اس کے مذموم ارادوں میں ہر گز کامیاب نہیں ہونے دیں گے بلکہ ارضِ پاک کے خلاف ہونے والی ہر سازش کو اپنے عزم، اپنی ہمت اور اپنے مصمم ارادوں سے ناکام بنائیں گے۔ انہوں نے پاکستان کے غیور عوام سے کہا کہ وہ بالخصوص سحری، افطاری اور تراویح میں اپنے وطن عزیز کی سلامتی، امن، ترقی اور خوشحالی کے لئے خصوصی دُعائیں کریں تاکہ ہمارا ملک ہر قسم کی بیرونی سازشوں سے محفوظ رہے اور ترقی وکامرانی اس کا مقدر بنے۔

Facebook Twitter Google + Share on Whatsapp

وزیراعظم محمد نواز شریف کا ماہ رمضان کی آمد پر پیغام

متعلقہ عنوان :

مزید اہم خبریں