مساجد، تجارتی مراکز اور گھروں میں استقبال رمضان کی تیاریاں عروج پر پہنچ گئیں
تازہ ترین : 1

مساجد، تجارتی مراکز اور گھروں میں استقبال رمضان کی تیاریاں عروج پر پہنچ گئیں

اسلام آباد ۔ 15 جون (اُردو پوائنٹ اخبار تازہ ترین۔ 15 جون۔2015ء) رمضان المبارک کی آمد آمد کے پیش نظر رمضان المبارک کے فضائل سمیٹنے کی تیاریاں زور پکڑنے لگیں، مساجد، تجارتی مراکز اور گھروں میں ماہ صیام کے استقبال میں ہر شخص مصروف رہنے لگا ۔ رمضان المبارک مسلمانوں کے لئے معبود کا تحفہ ہے جس میں اعمال صالحات کا ثواب اور درجہ 70 گنا زیادہ کردیا جاتا ہے۔

ماہ رمضان کا آغاز نئے چاند کے آغاز سے ہوگا۔ مساجد میں قراء حضرات نے قرآن پاک کی دہرائی کا سلسلہ شروع کررکھا ہے تاکہ ماہ صیام کے تراویح کی نماز میں قرآن سنایا جاسکے اور مساجد انتظامیہ بھی وضو خانوں اور مساجد کے حصوں کی صفائی تزئین وآرائش اورنمازیوں کی سہولت کے لئے اقدامات میں مصروف دکھائی دے رہی ہے جبکہ گھروں میں خواتین نے بھی افطار وسحر کے پکوان ترتیب دے دیئے ہیں اور پکوانوں کی تیاری کے لئے بیسن‘ دالوں‘ چنے چاول‘ چینی مشروبات‘ مصالحہ جات اور دیگر استعمال کی اشیاء کی خریداری کا سلسلہ شروع ہوگیا ہے۔

تجارتی مراکز میں پکوڑے‘ سموسے‘ جلیبی‘ کھجور روایتی و دیسی مشروبات کے خصوصی سٹال سجنا شروع ہو گئے ہیں‘ بڑوں کے ساتھ ساتھ بچوں کی طرف استقبال رمضان کا جوش وخروش دیدنی ہے۔

وقت اشاعت : 15/06/2015 - 21:44:20

اپنی رائے کا اظہار کریں