عوام نے بلدیاتی انتخابات میں بھی تحریک انصاف کو کامیابی سے ہمکنار کرکے بھر پور ..
تازہ ترین : 1

عوام نے بلدیاتی انتخابات میں بھی تحریک انصاف کو کامیابی سے ہمکنار کرکے بھر پور اعتماد کا اظہار کیا ہے،ایم پی اے افتخار علی مشوانی

پشاور (اُردو پوائنٹ اخبار تازہ ترین۔ 15 جون۔2015ء) چئیرمین ڈیڈک کمیٹی مردان ایم پی اے افتخار علی مشوانی نے کہا ہے کہ عوام نے بلدیاتی انتخابات میں بھی تحریک انصاف کو کامیابی سے ہمکنار کرکے بھر پور اعتماد کا اظہار کیا ہے۔ اور تحریک انصاف کو ضلع مردان سمیت کئی اضلاع میں ضلعی و تحصیل حکومتیں بنانے کی مظبوط پوزیشن میں ہے۔ ضلعی و تحصیل حکومتوں کے قیام سے عوام کو اس نظام کے بنیادی ثمرات واضح طور پر محسوس ہونگے۔

اپنے دفتر میں ضلع مردان کے نو منتخب ضلعی و تحصیل کونسلران کے وفود سے بات چیت کرتے ہوئے افتخار علی مشوانی ایم پی اے نے کہا کہ باریاں لینے والی مسترد شدہ سیاسی جماعتوں نے اتحاد کے باوجود تحریک انصاف کا بال بھی پیکا نہیں کیا۔اور اب ضلعی اور تحصیل کی سطح پر پی ٹی آئی کا راستہ روکنے کیلئے چار جماعتی اتحاد کی صورت میں اکھٹے ہوگئے ہیں۔

جن میں مفادات اور کرسی کے حصول کیلئے پھوٹ پڑچکی ہے۔ انہوں نے کہا کہ تحریک انصاف کے پاس ضلع مردان اور دیگر اضلاع میں اپنی حکومتیں بنانے کیلئے اکثریت موجود ہیں۔ اور بہت جلد اپنے ہم خیال اتحادیوں کے ساتھ مل کر ضلعی اور تحصیل حکومتیں بنائینگے۔ انہوں نے نو منتخب ضلعی ڈسٹرکٹ اور تحصیل کونسلران پر زور دیا کہ عوام نے ان پر اعتماد کرکے جو بھاری ذمہ داریاں سونپی ہیں۔وہ بلدیاتی نظام حکومت کے ذریعے عوام تک ان کے ثمرات پہنچائیں اور ایمانداری کے ساتھ سرکاری وسائل کا استعمال کریں۔تاکہ عوام ضروری بنیادی سہولیات سے مستفید ہوں۔`

مزید متعلقہ خبریں پڑھئیے‎ :

وقت اشاعت : 15/06/2015 - 19:11:32

اپنی رائے کا اظہار کریں