ضرب عضب کی کامیابی کے تمام کریڈٹ کی مستحق ہماری
مسلح افواج ہیں: چودھری شجاعت حسین/ پرویزالٰہی قوم کیلئے جان جیسی عظیم قربانی پیش کرنے والوں کو خراج عقیدت پیش کرنے کا بہترین راستہ اس عظیم مقصد کی تکمیل ہے آپریشن جنرل راحیل شریف کے پختہ عزم اور یقین محکم کا مظہر ہے، شمالی وزیرستان کے عوام کی قربانیاں فراموش نہیں کر سکتے: مشترکہ بیان
پیر 15 جون 2015 18:57
لاہور(اُردو پوائنٹ اخبار تازہ ترین۔ 15 جون۔2015ء) پاکستان مسلم لیگ کے صدر سابق وزیر اعظم چودھری شجاعت حسین اور سینئرمرکزی رہنما و سابق نائب وزیراعظم چودھری پرویزالٰہی نے کہا ہے کہ شمالی وزیرستان میں آپریشن ضرب عضب کی کامیابی کے تمام کریڈٹ کی مستحق ہماری مسلح افواج ہیں، پاک فوج کے جوانوں اور افسروں نے اپنی قیمتی جانوں تک کی عظیم قربانی پیش کر کے مادرِوطن کو اندرونی شورش سے محفوظ رکھنے کیلئے ایسی مثال قائم کی ہے جس پر پاکستانی قوم تااَبد اُن کی ممنون و محسون رہے گی اور ان پر فخر کرے گی۔
ضرب عضب کے ایک سال کی کامیاب تکمیل پر دونوں مسلم لیگی قائدین نے اپنے مشترکہ بیان میں کہا کہ مادرِوطن کے ان سپوتوں کو خراج عقیدت پیش کرنے کا بہترین طریقہ یہ ہے کہ انہوں نے جس عظیم مقصد کیلئے اپنا آج قربان کیا ہے ہر شعبہ حیات سے تعلق رکھنے والے لوگ اس عظیم مقصد کو ہمیشہ پیش نظر رکھیں۔(جاری ہے)
انہوں نے کہا کہ آج جہاں ہم پاک فوج کے شہداء، زخمیوں اور غازیوں کو خراج تحسین پیش کر رہے ہیں وہاں پوری قوم شمالی وزیرستان کے عوام کی قربانیوں پر ان کی بھی مشکور ہے اور انہیں فراموش نہیں کر سکتی جنہوں نے بچوں، خواتین اور بزرگوں سمیت اپنے گھر بار چھوڑنے اور آپریشن کی کامیابی کیلئے پاک فوج سے مکمل تعاون کیا۔
انہوں نے کہا کہ بلاشبہ اس آپریشن کا آغاز اور کامیابی آرمی چیف جنرل راحیل شریف کے پاکستان کی سلامتی و یکجہتی کے تحفظ اور ہماری آئندہ نسلوں کو بھی داخلی و خارجی دشمنوں سے محفوظ رکھنے کے عزمِ مصمم اور یقین محکم کی عکاس ہے جس پر ان کا نام پاکستان کی تاریخ میں سنہری حروف میں لکھا جائے گا، آج ہماری آنکھیں آرمی پبلک سکول پشاور کے معصوم طلبا اور دیگر شہداء کی یاد میں بھی نمناک ہیں جن کا خونِ ناحق صرف اس لیے بہایا گیا کہ وہ محب وطن پاکستانی تھے۔`متعلقہ عنوان :
مزید اہم خبریں
-
نواز شریف عمران خان سے مذاکرات پر آمادہ ہیں، رانا ثنا اللہ
-
اولاد کی خوشی کیلئے اپنی بیوی پر سوتن لانے کا ظلم نہیں کرسکتا، شیر افضل مروت
-
سر دار ایاز صادق سے اراکین قومی اسمبلی کی ملاقات ،قائمہ کمیٹیوں کی تشکیل کے حوالے سے مشاورت
-
وفاقی وزیر عبدالعلیم خان سے برطانوی پولیٹکل قونصلر مس زوئی وئیر کی ملاقات ، دوطرفہ تعلقات پرگفتگو
-
یوسف رضا گیلانی کی زیرصدارت بزنس ایڈوائزی کمیٹی کا اجلاس ،سب کو ساتھ لیکر چلنے کا عزم
-
مریم نوازکے پولیس یونیفارم پہننے پر وہ ٹولہ تنقید کررہا جن کا اپنا لیڈراپنی ہی بیٹی کو تسلیم کرنے کو تیار نہیں‘عظمیٰ بخاری
-
مریم نواز کے بعد نوازشریف کی بھی پولیس وردی میں تصویر وائرل
-
وفاقی وزیراحسن اقبال کی زیر صدرات قومی کھیل کی بحالی کانفرنس، قومی کھیلوں اور ناروال سپورٹس کمپلیکس کے حوالے سے جائزہ اجلاس
-
سپیکر قومی اسمبلی سے اراکین کی ملاقات،قائمہ کمیٹیوں کی تشکیل پر تبادلہ خیال
-
احسن اقبال کی زیرصدرات اجلاس ، قومی کھیل کی بحالی کانفرنس، قومی کھیلوں اور ناروال سپورٹس کمپلیکس کے حوالے سے جائزہ لیا گیا
-
حکومت کا حج پر نہ جانے والے افراد سے بھی لاکھوں روپے وصول کرنے کا فیصلہ
-
پی ڈی ایم کی جماعتیں پچھلی حکومت گرانے پر قوم سے معافی مانگیں
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.