بلدیہ عظمی کراچی کے محکمہ فائر بریگیڈ کے افسران و فائر فائٹرز نے اوور ٹائم کی عدم ادائیگی کیخلاف بلدیہ عظمی کے مشیر مالیات کے دفتر کا گھیراؤ کرلیا
پیر 15 جون 2015 18:30
کراچی ( اُردو پوائنٹ اخبار تازہ ترین۔ 15 جون۔2015ء ) بلدیہ عظمی کراچی کے محکمہ فائر بریگیڈ کے افسران و فائر فائٹرز نے اوور ٹائم کی عدم ادائیگی کے خلاف بلدیہ عظمی کے مشیر مالیات کے دفتر کا گھیراؤ کر لیا اور شدید نعرے بازی کی ، جس کے باعث سوک سینٹر میں کام بند ہو گیا ۔ تفصیلات کے مطابق بلدیہ عظمی کراچی کے محکمہ فائر بریگیڈ کے افسران و فائر فائٹرز کو گذشتہ چار ماہ سے فائررسک الاؤنس ( اوورٹائم ) کی ادائیگی بند ہے ۔
بلدیہ عظمی کے محکمہ فنانس کے افسران الاؤنسز کی ادائیگی کے لیے 30 فیصد کمیشن طلب کر رہے تھے ۔ کمیشن کی عدم ادائیگی کی وجہ سے ملازمین گذشتہ چار ماہ سے الاؤنس سے محروم تھے ۔ محکمہ فائر بریگیڈ کے ملازمین نے دھمکی دی تھی کہ اگر 15 جون تک انہیں واجبات ادا نہ کیے گئے تو وہ ابتدائی مرحلے میں فنانس ایڈوائزر کے دفتر کا گھیراؤ کریں گے ۔(جاری ہے)
پیر کے روز فائر بریگیڈ کے تمام اسٹیشنز پر کام بند کر دیا گیا اور ملازمین ٹولیوں کی شکل میں سوک سینٹر پہنچنا شروع ہو گئے ۔
تمام ملازمین نے سوک سینٹر کے 6 فلور پر واقع فنانس ایڈوائزر کے دفتر کاگھیراؤ کیا اور شدید نعرے بازی کی ، جس کے باعث سوک سینٹر میں تمام سرکاری امور ٹھپ ہو گئے ۔ فنانس ایڈوائزر آفاق سعید نے ملازمین سے مذاکرات کرنے کے بجائے ان پر چڑھائی کر دی ، جس سے معاملہ مزید پیچیدہ ہو گیا ۔ بعد ازاں ملازمین کو مذاکرات کی دعوت دی گئی تو انہوں نے مذاکرات کرنے سے انکا رکر دیا اور کہا کہ جب تک انہیں الاؤنسز ادا نہیں کیے جاتے وہ گھیراؤ ختم نہیں کریں گے ۔ فنانس ایڈوائزر نے اس سلسلے میں بلدیہ عظمی کی مزدور تنظیموں کے رہنماؤں سے رابطہ کیا تو انہوں نے الاؤنسز کی ادائیگی کے بغیر مذاکرات کرنے سے انکار کر دیا ۔متعلقہ عنوان :
مزید اہم خبریں
-
وفاقی وزیراحسن اقبال کی زیر صدرات قومی کھیل کی بحالی کانفرنس، قومی کھیلوں اور ناروال سپورٹس کمپلیکس کے حوالے سے جائزہ اجلاس
-
سپیکر قومی اسمبلی سے اراکین کی ملاقات،قائمہ کمیٹیوں کی تشکیل پر تبادلہ خیال
-
احسن اقبال کی زیرصدرات اجلاس ، قومی کھیل کی بحالی کانفرنس، قومی کھیلوں اور ناروال سپورٹس کمپلیکس کے حوالے سے جائزہ لیا گیا
-
حکومت کا حج پر نہ جانے والے افراد سے بھی لاکھوں روپے وصول کرنے کا فیصلہ
-
چیف جسٹس قاضی فائز عیسیٰ نے پروٹوکول واپس کردیا
-
پنجاب پولیس نے حماد اظہر پر 33مقدمات درج کر رکھے ہیں، رپورٹ عدالت میں پیش کر دی گئی
-
احتساب عدالت نے عمران خان اوربشری بی بی کو ریاستی اداروں اورآفیشلزکیخلاف بیان دینے سے روک دیا
-
ملیریا پرقابو پانے کیلئے مشترکہ کوششوں کی ضرورت ہے،چیئر مین سینٹ
-
پاکستان عالمی ملیریا پروگرام کے تحت نئے اقدامات پر عمل درآمد کیلئے پرعزم ہے، صدرمملکت
-
پاکستان کے ساتھ انسانی حقوق کا معاملہ اٹھاتے رہیں گے، امریکہ
-
ایران کے صدر کا دورہ پاکستان بہت بڑی پیشرفت تھی،خواجہ آصف
-
مریم نوازوزیراعلیٰ سے ’پولیس آفیسر‘بن گئیں
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.