رمضان پیکج کے تحت اشیاء کی رعایتی نرخوں پرفراہمی کی سخت مانیٹرنگ کاحکم
پیر 15 جون 2015 13:51
فیصل آباد ۔15 جون (اُردو پوائنٹ اخبار تازہ ترین۔ 15 جون۔2015ء) 5ارب روپے کے چیف منسٹرز رمضان پیکج کے تحت مختلف اشیاء کی رعایتی نرخوں پرفراہمی کیلئے سخت مانیٹرنگ کاحکم دے دیا گیا ہے جبکہ متعلقہ افسران کو محض کاغذی کاروائی سے اجتناب کی بھی سخت ہدایت کی گئی ہے اورکہا گیاہے کہ اس ضمن میں کسی قسم کی خانہ پری اور دفاتر میں بیٹھ کر کاغذی کاروائیوں سے گریز کیاجائے بصورت دیگر کسی بھی جگہ پر شکائت ملنے کی صورت میں متعلقہ حکام کے خلاف سخت کارروائی عمل میں لائی جائے گی۔
فیصل آباد ڈویژنل انتظامیہ کے ترجمان نے بتایاکہ اس ضمن میں کمشنر فیصل آباد ڈویژن نسیم نواز خود بھی رمضان بازاروں اور مارکیٹوں کے اچانک دورے کریں گے تاکہ حقیقی صورتحال اور عوام کو دیئے گئے ریلیف کا جائزہ لیاجاسکے۔(جاری ہے)
انہوں نے بتایاکہ تمام حکام کو سختی سے خبردار کیاگیاہے کہ حکومت پنجاب کی ہدایات کی روشنی میں ڈویژن بھر میں چیک لسٹ کے مطابق رمضان بازاروں میں تمام تر انتظامات ہر لحاظ سے مکمل ہونے چاہیں جو حقیقی معنوں میں عوامی ریلیف کے قابل ہوں۔
انہوں نے کہا کہ وزیراعلیٰ پنجاب محمدشہبازشریف رمضان بازاروں کے کامیاب انعقاد کیلئے انتہائی سنجیدہ ہیں اور انہوں نے مختلف اشیاء رعایتی نرخوں پرفراہم کرنے کیلئے 5ارب روپے کے رمضان پیکج کا اعلان کیا ہے جس کے تمام تر فوائد صارفین تک پہنچنے چاہئیں۔انہوں نے واضح کیا کہ رمضان بازاروں کے اوقات میں کسی شے کی کمی نہیں ہونی چاہیے اور صارفین کو معیاری اشیاء کی فراہمی پر کوئی سمجھوتہ نہیں کیا جائیگا۔انہوں نے کہا کہ سستے آٹے اور چینی کی فروخت کے سلسلے میں ایسی حکمت عملی وضع کی گئی ہے کہ صارفین کو قطار اور انتظار کی زحمت نہ ہو۔ انہوں نے کہا کہ رمضان بازاروں میں صفائی ستھرائی،سیکورٹی کا خصوصی اہتمام،سی سی ٹی وی کیمروں کی موجودگی،پارکنگ ایریاز،شکایت سنٹرز، میڈیکل کیمپس،بزرگ اور معذور افراد کیلئے خصوصی کاؤنٹرز،وزن کے کنڈوں کی جانچ پڑتال کیلئے محکمہ لیبر کا سٹاف ودیگر اقدمات کا بھی خصوصی اہتمام کیاگیا ہے ۔انہوں نے بتایا کہ فیصل آباد ڈویژن میں مجموعی طور پر 37رمضان بازار قائم کئے گئے ہیں جن میں ضلع فیصل آباد کے 18،جھنگ کے 8،ٹوبہ ٹیک سنگھ کے 7،اور چنیوٹ کے 4 رمضان بازار شامل ہیں ۔مزید تجارتی خبریں
-
100اور 1500روپے والے قومی انعامی بانڈز کی قرعہ اندازی15مئی کوہوگی
-
ملک میں سولر پینل کی قیمتیں مزید کم ہوگئیں
-
متحدہ عرب امارات میں کام کرنے والے پاکستانیوں کی ترسیلات زر میں رواں مالی سال کے پہلے 10 ماہ میں سالانہ بنیادوں پر 5فیصد اضافہ ریکارڈ
-
برائلر گوشت کی قیمت میں32روپے کلو اضافہ
-
100اور1500والے بانڈز کی قرعہ اندازی15مئی کو ہو گی
-
پاکستان سٹاک ایکسچینج کا 100 انڈیکس 73357پوائنٹ کی نفسیاتی حد عبور کرگیا
-
انٹربینک مارکیٹ میں ڈالر کی قدر میں اضافہ اوپن مارکیٹ میں کمی
-
ملک میں سونے کی قیمت 2 لاکھ 39 ہزار 200 روپے فی تولہ برقرار
-
انٹربینک مارکیٹ میں امریکی ڈالر کے مقابلے میں پاکستانی روپے کی قیمت میں کمی ریکارڈ
-
بھارتی پیاز کے آتے ہی ملک میں پیاز کی قیمت میں 50 فیصد کمی‘ نجی ٹی وی
-
برائلر گوشت اور فارمی انڈوں کے نرخ
-
پاکستان سٹاک ایکسچینج میں مندی کارحجان، انڈیکس 159.38 پوائنٹ کی کمی کے بعد 72601.82 پوائنٹس پربند
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.