محکمہ زراعت پنجاب کی کاشتکاروں کو گوارے کی فصل کی کاشت وسط جولائی تک مکمل کرنے ..
تازہ ترین : 1

محکمہ زراعت پنجاب کی کاشتکاروں کو گوارے کی فصل کی کاشت وسط جولائی تک مکمل کرنے کی ہدایت

بیج والی فصل کی کاشت یکم جولائی سے شروع کرکے 30جولائی تک بھی مکمل کی جاسکتی ہے ترجمان

راولپنڈی (اُردو پوائنٹ اخبار تازہ ترین۔14جون۔2015ء)محکمہ زراعت پنجاب نے کاشتکاروں کو گوارے کی فصل کی کاشت شروع کر کے وسط جولائی تک مکمل کرنے کی ہدایت کی ہے تاہم بیج والی فصل کی کاشت یکم جولائی سے 30 جولائی تک مکمل کی جاسکتی ہے ۔ترجمان نے کہاکہ گوارے کی کاشت کیلئے گرم آب وہوا کی ضرورت ہوتی ہے  فصل پانی کی کمی کو کافی دیر تک برداشت کرنے کی صلاحیت رکھتی ہے ۔

انہوں نے کہاکہ کاشتکار گوارے کی منظور شدہ اقسام بی آر 90 اور بی آر 99 کاشت کرکے اچھی فصل حاصل کرسکتے ہیں۔ انہوں نے کہاکہ چارے کیلئے بیج کی شرح 20 سے 25کلوگرام فی ایکڑ جبکہ بیج والی فصل کیلئے شرح 12 سے 15کلوگرام فی ایکڑ رکھنی چاہیے۔ انہوں نے بتایاکہ چونکہ گوارہ ایک پھلی دار فصل ہے لہٰذااس کو زیادہ کھاد کی ضرورت نہیں ہوتی البتہ اگربوقت کاشت ایک بوری ڈی اے پی اور پھول بنتے وقت آدھی بوری یوریا فی ایکڑ ڈال لی جائے تو شاندار فصل حاصل ہوسکتی ہے۔

وقت اشاعت : 14/06/2015 - 16:52:10

متعلقہ عنوان :

اپنی رائے کا اظہار کریں