کراچی کے علاقے لیاری میں رینجرز کی کارروائی کے دوان گینگ وار کے دو کارندے ہلاک ..
تازہ ترین : 1

کراچی کے علاقے لیاری میں رینجرز کی کارروائی کے دوان گینگ وار کے دو کارندے ہلاک  ڈیفنس سے رشوت خور اہلکار گرفتار

بلوچ پاڑہ میں سرچ آپریشن میں 11 مشتبہ افراد کو حراست میں لے لیا گیا

کراچی (اُردو پوائنٹ اخبار تازہ ترین۔14جون۔2015ء )صوبائی دارالحکومت کراچی کے علاقے لیاری میں رینجرز کی کارروائی کے دوان گینگ وار کے دو کارندے ہلاک ہوگئے ۔ ڈیفنس سے رشوت خور اہلکار کو گرفتار کرلیا گیا ۔ بلوچ پاڑہ میں سرچ آپریشن میں 11 مشتبہ افراد کو حراست میں لے لیا گیا ۔ لیاری کے علاقے گل محمد لین میں رینجرز کی ٹارگٹڈ کارروائی کے دوران دہشت گردوں نے فائرنگ کردی  جوابی فائرنگ میں قتل سمیت ساٹھ سے زائد وارداتوں میں ملوث لیاری گینگ وار کے دو کارندے مارے گئے ۔

ملزم ارسلان ملا بابا لاڈلہ گروپ  ملزم ناصر کا تعلق عزیر جان کے گروپ سے تھا ، دوسری جانب رینجرز ٹاسک فورس نے ڈیفنس سے رشوت لیکر ملزمان کو چھوڑنے والے پولیس اہلکار فرحان کو حراست میں لے لیا ۔ جمشید کوارٹر بلوچ پاڑہ میں سرچ آپریشن کے دوران علاقے کا محاصرہ کر کے گھر گھر تلاشی لی گئی ۔ رینجرز نے 11 مشتبہ افراد کو بھی حراست میں لے لیا -

وقت اشاعت : 14/06/2015 - 16:43:03

متعلقہ عنوان :

اپنی رائے کا اظہار کریں