اسلام آباد ، وسطی پنجاب اور کئی مقامات پر گرج چمک کے ساتھ بارش کا امکان

فہد شبیر اتوار 14 جون 2015 13:14

اسلام آباد(اُردو پوائنٹ اخبارتازہ ترین۔14جون۔2015ء) موسم کی تازہ صورتحال کے مطابق ملک کے بیشتر علاقوں میں موسم گرم اور خشک ہے تاہم اسلام آباد ، وسطی پنجاب ، کشمیر اور گلگت بلتستان میں چند مقامات پر بارش کا امکان ہے ۔ بیشتر شہروں میں چمکتے سورج کا راج ہے اور پارہ بڑھنے لگا ہے ۔

(جاری ہے)

محکمہ موسمیات نے اگلے چوبیس گھنٹے میں کراچی سمیت بعض شہروں میں مطلع جزوی طور پر ابر آلود رہنے کی پیش گوئی کی ہے تاہم مالاکنڈ ، ہزارہ ، ڈی جی خان ، بہاولپور ، گوجرانوالہ ، لاہور ، راولپنڈی ڈویژن ، اسلام آباد ، گلگت بلتستان اور کشمیر میں چند مقامات پر تیز ہوائوں اور گرج چمک کےساتھ بارش کا بھی امکان ہے ۔