صوبے کی قد آور سیاسی شخصیات صوبائی حکومت کے ایجنڈے سے متاثر ہو کر پی ٹی آئی میں ..
تازہ ترین : 1
صوبے کی قد آور سیاسی شخصیات صوبائی حکومت کے ایجنڈے سے متاثر ہو کر پی ..

صوبے کی قد آور سیاسی شخصیات صوبائی حکومت کے ایجنڈے سے متاثر ہو کر پی ٹی آئی میں شمولیت اختیار کر رہی ہیں،پرویزخٹک

پی ٹی آئی میں شامل ہر فرد کو صوبے میں حق اورانصاف کا بول بالا کرنے میں اپنا کردار ادا کرنے کا موقع مل رہا ہے،وزیراعلی خیبرپختونخوا

پشاور(اُردو پوائنٹ اخبار تازہ ترین۔ 13 جون۔2015ء)چارسدہ کی معروف سیاسی شخصیت اور پاکستان پیپلز پارٹی چارسدہ کے صدر محمد نعیم خان عمرزئی نے وزیراعلیٰ ہاؤس خیبرپختونخوا میں وزیراعلیٰ پرویز خٹک سے ملاقات کی اور ان سے صوبے کی سیاسی صورتحال اور خصوصاً بلدیاتی انتخابات کے حوالے سے تفصیلی تبادلہ خیال کیا۔ صوبائی وزیر معدنیات ضیاء اﷲ آفریدی اور پاکستان تحریک انصاف کے صوبائی آرگنائزر فضل محمد خان بھی اس موقع پر موجود تھے۔

وزیراعلیٰ خیبر پختونخوا پرویز خٹک نے نعیم خان عمر زئی کو پاکستان تحریک انصاف میں شمولیت کی دعوت دی جو انہوں نے قبول کر لی۔ تاہم پی ٹی آئی میں باقاعدہ شمولیت کا اعلان وہ آئندہ ہفتے بنی گالہ اسلام آباد میں پی ٹی آئی کے چیئرمین عمران خان سے ملاقات میں کریں گے۔ وزیراعلیٰ پرویز خٹک نے اس موقع پر گفتگو کرتے ہوئے پیپلز پارٹی چارسدہ کے رہنماء نعیم خان عمر زئی کو پی ٹی آئی کی صوبائی حکومت کے اصلاحات کے ایجنڈے کی تفصیلات سے آگاہ کیا اور ان اقدامات پر روشنی ڈالی جو صوبائی حکومت عمران خان کے وژن کے مطابق صوبے میں عام آدمی اور خصوصاً غریب اور کمزور طبقوں کی فلاح و بہبود اور ان کے حقوق کیلئے کر رہی ہے۔

وزیراعلیٰ نے کہا کہ صوبے کی قد آور سیاسی شخصیات صوبائی حکومت کے ایجنڈے سے متاثر ہو کر پی ٹی آئی میں شمولیت اختیار کر رہی ہیں جو پاکستان تحریک انصاف اور صوبے کے عوام کیلئے حوصلہ افزاء بات ہے۔ انہوں نے کہا کہ پی ٹی آئی میں شامل ہر فرد کو صوبے میں حق اورانصاف کا بول بالا کرنے میں اپنا کردار ادا کرنے کا موقع مل رہا ہے۔وزیراعلیٰ نے کہا کہ حالیہ بلدیاتی انتخابات میں پی ٹی آئی کی شاندار کامیابی اس بات کی دلیل ہے کہ صوبائی حکومت کی پالیسیوں کو عوام کا اعتماد حاصل ہے جس کا انہوں نے دو سال کے اندر دوسری بار ووٹ کے ذریعے برملا اظہار کیا ہے۔

مزید متعلقہ خبریں پڑھئیے‎ :

وقت اشاعت : 13/06/2015 - 22:34:22

متعلقہ عنوان :

قارئین کی رائے :

  • ۔غلام فرید کی رائے : 13/06/2015 - 23:24:57

    ِعمران خان صاحب سےگزارش ھے کھ خیبرپختون خوا میں حطاراسٹیٹ کی تنخوا چیک کرے۱۰۰۰۰ھے ڈیو ٹی ۱۲ گھنٹے

    اس رائے کا جواب دیں

اپنی رائے کا اظہار کریں