نابینا اور معذور افراد کیلئے بجٹ میں فنڈز مختص نہ کرنے کا اقدام لاہور ہائیکورٹ ..

نابینا اور معذور افراد کیلئے بجٹ میں فنڈز مختص نہ کرنے کا اقدام لاہور ہائیکورٹ میں چیلنج

لاہور ( اُردو پوائنٹ اخبار تازہ ترین۔ 13 جون۔2015ء) نابینا اور معذور افراد کے لئے بجٹ میں فنڈز مختص نہ کرنے کے اقدام کو لاہور ہائیکورٹ میں چیلنج کر دیا گیا ۔ جوڈیشل ایکٹوزم پینل کے چیئرمین اظہر صدیق ایڈووکیٹ کی جانب سے دائر کی گئی درخواست میں موقف اختیار کیا گیا ہے کہ حکومت نے نابینا اور معذور افراد سے وعدوں کے باوجود بجٹ میں فنڈز مختص نہیں کیے ، نابینا اور معذور افراد کو نوکریاں دینا حکومت کا آئینی حق ہے اگر نابینا اور معذور افراد کو کچھ نہ ملا تو وہ پھر اپنے مطالبات کے لئے سڑکوں پر ہوں گے لہٰذا معزز عدالت سے استدعا ہے کہ حکومت کو بجٹ میں نابینا اور معذور افراد کے لئے فنڈز مختص کرنے کا حکم دیا جائے ۔

وقت اشاعت : 13/06/2015 - 18:52:17

اپنی رائے کا اظہار کریں