دوران ڈیوٹی میڈیکل ریپس سے ڈاکٹروں کی ملاقات پر پابندی عائد
تازہ ترین : 1

دوران ڈیوٹی میڈیکل ریپس سے ڈاکٹروں کی ملاقات پر پابندی عائد

عملدرآمد کیلئے تمام اضلاع کے ای ڈی اوزکو اچانک چھاپے مارنے کا حکم، ذمہ داران کیخلاف محکمانہ کاروائی کا بھی مکمل اختیار

لاہور(اُردو پوائنٹ اخبار تازہ ترین۔ 13 جون۔2015ء) محکمہ صحت کے مطابق حکومت کے نوٹس میں یہ بات لائی گئی ہے کہ دوران ڈیوٹی ڈاکٹر مریضوں پر توجہ دینے کی بجائے میڈیکل ریپس سے ملاقاتوں میں مصروف رہتے ہیں، ان سے خوش گپیوں میں زیادہ وقت گزارتے ہیں جس سے آنیوالے مریضوں کو نہ صرف ذہنی کوفت کا سامنا کرنا پڑتا ہے بلکہ مریضوں کی مشکلات میں مزیداضافہ ہو رہا ہے جس کے بعد حکومت نے تمام اضلاع کے ایم ایس اور ای ڈی اوز ہیلتھ کے علاوہ تمام تحصیل ہیڈ کوارٹرز اور بنیادی مراکز صحت کے ڈاکٹرز کو ہدایات جاری کی ہیں کہ وہ اپنے اپنے دفاتر کے باہر دوران ڈیوٹی استقبالیہ بورڈ پر یہ تحریر نمایاں طور پر چسپاں کریں” میڈیکل ریپس سے معذرت “ڈاکٹرز ابھی نہیں مل سکتے۔

جبکہ اس پابندی پر عملدرآمد کیلئے تمام اضلاع کے ای ڈی اوز کو اچانک چھاپے مارنے اور ذمہ داران کیخلاف محکمانہ کاروائی عمل میں لانے کا مکمل اختیار دیاگیا ہے۔

وقت اشاعت : 13/06/2015 - 16:25:58

اپنی رائے کا اظہار کریں