مقبوضہ کشمیر کے علاقے سوپور میں ایک اور حریت کارکن قتل، سید علی گیلانی کی خورشید ..
تازہ ترین : 1

مقبوضہ کشمیر کے علاقے سوپور میں ایک اور حریت کارکن قتل، سید علی گیلانی کی خورشید احمد کے قتل کی مذمت

سرینگر ۔ 13 جون (اُردو پوائنٹ اخبار تازہ ترین۔ 13 جون۔2015ء) مقبوضہ کشمیر میں نامعلوم مسلح افراد نے سوپور میں خورشید احمد بٹ نامی ایک اور آزادی پسند کارکن کو قتل کر دیا ہے۔ کشمیر میڈیاسروس کے مطابق مسلح افراد نے خورشید احمد بٹ کو سوپور کے علاقے بومئی میں انکے گھر کے باہر گولیاں ما ر دیں جس سے وہ شدید زخمی ہوئے ۔ خورشید کو فوری طور پر سب ڈسٹرکٹ ہسپتال سوپور پہنچا یا گیا جہاں ڈاکٹروں نے انہیں مردہ قرار دے دیا۔

خورشید احمد کو تحریک آزادی کیساتھ وابستگی کی پاداش میں حال ہی میں گرفتار کیا گیا تھا ۔ شہید کی اپنے علاقے میں ایک دکان تھی اور وہ بومئی ٹریڈرز فیڈریشن کے صدر بھی تھے۔ بزرگ حریت رہنما سید علی گیلانی کی سرپرستی میں قائم فورم نے خورشید احمد کے قتل کی سخت مذمت کی ہے۔ فورم کے ترجمان نے ایک بیان میں کہا کہ شہید تحریک آزادی کے ایک سچے ہمدرد تھے۔یاد رہے کہ گزشتہ چند روز کے دوران سوپور میں دو آزادی پسند کارکنوں کو قتل کیا جا چکا ہے۔ خورشید سے پہلے تحریک حریت جموں وکشمیر کے کارکن الطاف احمد شیخ کو مسلح بھارتی ایجنٹوں نے سوپور کے علاقے نیو کالونی میں منگل کو قتل کردیا تھا۔

مزید متعلقہ خبریں پڑھئیے‎ :

وقت اشاعت : 13/06/2015 - 14:02:34

اپنی رائے کا اظہار کریں