کرپشن الزامات پر انٹرپول نے فیفا کا 20 ملین یورو کا معاہدہ منسوخ کردیا
تازہ ترین : 1

کرپشن الزامات پر انٹرپول نے فیفا کا 20 ملین یورو کا معاہدہ منسوخ کردیا

لیوننگ(اُردو پوائنٹ اخبار تازہ ترین۔ 13 جون۔2015ء) انٹرپول نے کرپشن اسکینڈل سامنے آنے کے بعد فٹ بال کی عالمی تنظیم فیفا کا 20 ملین یورو کا معاہدہ منسوخ کردیا۔غیرملکی خبرررساں ادارے کے مطابق فٹ بال کے کھیل کی بقا اوراس کے فروغ کے لئے مئی 2011 میں 10 سالہ معاہدہ ہوا تھا جس کے تحت کھیلوں کے فروغ پر20 ملین یورو خرچ کئے جانے تھے تاہم کرپشن اسکینڈل سامنے آنے کے بعد انٹرپول نے فیفا کے معاہدے کو منسوخ کردیا۔واضح رہے کہ فیفا کے سابق عہدیداروں نے انکشاف کیا تھا کہ 2010 ورلڈ کپ کا انعقاد جنوبی افریقا میں کرانے کے لئے بھاری رشوت لی گئی تھی جس کے بعد 2011 میں بھی فیفا کے صدارتی انتخاب میں بدعنوانی اوررشوت ستانی کا رازافشا ہواتھا۔

مزید متعلقہ خبریں پڑھئیے‎ :

وقت اشاعت : 13/06/2015 - 13:52:25

متعلقہ عنوان :

اپنی رائے کا اظہار کریں