امریکہ ’ دوسائبر حملوں میں انٹیلیجنس اہلکاروں کی معلومات چوری ہونے کا انکشاف
ہفتہ 13 جون 2015 12:07
واشنگٹن ( اُردو پوائنٹ اخبار تازہ ترین۔ 13 جون۔2015ء ) امریکی اخبا ر نے یہ دعوی ٰ کیا ہے کہ گزشتہ ہفتے ہونے والے سائبر حملے کے نتیجے میں لاکھوں فوجی اور انٹیلیجنس اہلکاروں کی معلومات چوری ہوئی ہیں ہیک ہونے والے ڈیٹا میں سی آئی اے ایجنٹوں کی ذاتی معلومات، مالی حیثیت، خاندان کے بارے میں معلومات، غیر ملکیوں کے ساتھ روابط اور ہمسایوں اور دوستوں کے نام شامل ہیں امریکی اخبار واشنگٹن پوسٹ کے مطابق اس سے قبل امریکی حکام کا کہنا تھا کہ انھیں شبہ ہے کہ 40 لاکھ سرکاری ملازمین کی معلومات چرائی گئی ہیں تحقیق کرنے والے ادارے دو سائبر حملوں کی تحقیق کر رہے ہیں۔
رپورٹ میں کہا گیا ہے کہ امریکی حکام کا کہنا ہے کہ ایک حملے میں 40 لاکھ نہیں ایک کروڑ چالیس لاکھ ریٹائرڈ اور حاضر سروس وفاقی ملازمین کی معلومات تک رسائی حاصل کی گئی ہے۔(جاری ہے)
اخبار نے اپنی رپورٹ میں کہا ہے کہ ہو سکتا ہے کہ اس سائبر حملے میں امریکی خفیہ ادارے سی آئی اے کے اہلکاروں کی معلومات تک بھی رسائی حاصل کی گئی ہو۔ایک اہلکار نے واشنگٹن پوسٹ کو بتایا ’سوال یہ ہے کہ کیا اس حملے میں سی آئی اے تک رسائی حاصل کی جاسکی ہے۔
اگر ایسا ہوا ہے تو یہ بہت بڑا دھچکہ ہے اور اس کے نتیجے میں خفیہ ایجنٹوں کی شناخت ظاہر ہو جائے گی۔‘رپورٹ کے مطابق جو ڈیٹا ہیک ہوا ہے اس میں سی آئی اے ایجنٹوں کی ذاتی معلومات، مالی حیثیت، خاندان کے بارے میں معلومات، غیر ملکیوں کے ساتھ روابط اور ہمسایوں اور دوستوں کے نام شامل ہیں۔یاد رہے کہ امریکی حکام نے الزام عائد کیا تھا کہ اس سائبر حملے کے پیچھے چینی ہیکروں کا ہاتھ ہو سکتا ہے۔حکام کے مطابق اس حملے کی وجہ سے ہر وفاقی ادارہ متاثر ہو سکتا ہے۔امریکی سینیٹ کی انٹیلی جنس کمیٹی کے رکن سینیٹر سوزن کولنز نے کہا تھا کہ خیال یہی ہے کہ یہ سائبر حملہ چین سے کیا گیا۔تاہم واشنگٹن میں چینی سفارت خانے نے خبردار کیا تھا کہ امریکی حکام کو ’قیاس آرائی‘ سے گریز کرنا چاہیے۔سفارت خانے کے ترجمان زہو ہائیچوان نے خبر رساں ادارے روئٹرز سے بات کرتے ہوئے کہا تھا کہ ایسی الزام تراشی ’ذمہ دارانہ عمل‘ نہیں اور اس کے غیر تعمیری نتائج برآمد ہو سکتے ہیں۔متعلقہ عنوان :
مزید بین الاقوامی خبریں
-
ٹرمپ پر2016 کے صدارتی الیکشن میں فراڈ کا الزام
-
مالدیپ انتخابات، چین کی حامی جماعت کی بھاری اکثریت سے جیت
-
مودی پر الیکشن مہم کے دوران مسلمانوں کو ٹارگٹ کرنے کا الزام
-
مسجد اقصی میں یہودیوں کی قربانی کی رسم کی ادائیگی
-
اروند کیجریوال کو جیل میں انسولین دے دی گئی
-
دنیا کے بہترین شوہر نے تحفے میں بیوی کو آدھی حکمرانی دیدی
-
سعودی عرب میں وطن دشمنی اورانتہا پسندی ثابت ہونے پر سعودی شہری کا سرقلم
-
سرکاری نوکری نہ ملنے پر بھارتی شہری گدھی کے دودھ سے لاکھوں کمانے لگا
-
غزہ میں انسانی حقوق کی خلاف ورزیوں کا جائزہ لے رہے ہیں، امریکا
-
میلان میں رات 12 بجے کے بعد آئس کریم پر پابندی کا فیصلہ
-
ایران سے تجارت کے خواہشمند پابندیوں سے خبردار رہیں، امریکا
-
سیاسی پناہ گزینوں کو جلد روانڈا منتقل کیا جائے گا، برطانوی وزیراعظم
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.