وزیراعلیٰ خیبرپختونخوا نے پیرا میڈیکل سٹاف کی اپ گریڈیشن کا حکم دیدیا
صحت جیسے اہم شعبے میں طبی عملے کو ہڑتالوں وغیرہ سے گریز کرنا چاہئے،پرویز خٹک پیرا میڈیکس کی گریڈ 9 کی بجائے 12 میں بھرتی کا مطالبہ پورا ہونے پرخیبرپختونخوا پیرا میڈیکس ایسوسی ایشن نے ہڑتال ختم کردی
جمعہ 12 جون 2015 21:11
پشاور(اُردو پوائنٹ اخبار تازہ ترین۔ 12 جون۔2015ء) وزیراعلیٰ خیبرپختونخوا پرویز خٹک نے پیرا میڈیکل سٹاف کی اپ گریڈیشن کا حکم دیا ہے اور محکمہ اسٹبلشمنٹ کو ہدایت کی ہے کہ وہ اس بارے میں ضابطے کی تمام کاروائی فوری طور پر پوری کرے۔
(جاری ہے)
پیرا میڈیکس کی گریڈ 9 کی بجائے گریڈ12 میں بھرتی کا مطالبہ پورا ہونے پرخیبرپختونخوا پیرا میڈیکس ایسوسی ایشن نے اپنی ہڑتال ختم کرنے کا اعلان کر دیا ہے تفصیلات کے مطابق پیرا میڈیکل ایسوسی ایشن کے عہدیداروں نے ایسوسی ایشن کے صدر جوہر علی اور چیئر مین سراج الدین برکی کی قیادت میں جمعہ کے روز وزیراعلیٰ ہاؤس میں خیبرپختونخوا کے وزیراعلیٰ پرویز خٹک سے ملاقات کی اور انہیں اپنے مسائل سے آگاہ کیااس موقع پر محکمہ صحت اور اسٹبلشمنٹ کے حکام بھی موجود تھے وزیراعلیٰ پرویز خٹک نے پیرا میڈیکس کو یقین دلایا کہ اُن کے ابتدائی سکیل 9 کی گریڈ12 میں تبدیلی کے اقدامات پر نئے مالی سال سے عمل درآمد شروع ہو جائے گا پرویز خٹک نے کہا کہ صوبائی حکومت کو اس حقیقت کا بخوبی علم ہے کہ موجودہ تنخواہوں میں سرکاری ملازمین کا گزارہ مشکل ہے اس لئے دستیاب وسائل کے مطابق حکومت خود ہی اُن کے حالات بہتر بنانے کے اقدامات کر رہی ہے اُنہوں نے کہا کہ ترقی یافتہ دنیا میں صحت اور دوسرے شعبوں کی خدمات کا نظام اس لئے ٹھیک ہے کہ وہاں قوانین پر عمل درآمد کے علاوہ ملازمین کی تنخواہیں بھی اُن کی ضروریات کے مطابق ہیں اُنہوں نے کہا کہ انہی خطوط پر خیبرپختونخوا حکومت بھی تنخواہوں میں اضافہ کرکے ملازمین کے حالات اور خدمات کا معیار بہتر کرنے کی پالیسی پر عمل پیرا ہے وزیراعلیٰ نے کہا کہ صحت جیسے اہم شعبے میں طبی عملے کو ہڑتالوں وغیرہ سے گریز کرنا چاہیئے اور حکومت سے تعاون کرنا چاہیئے تاکہ دکھی مریضوں کیلئے آسانی پیدا ہو۔
متعلقہ عنوان :
مزید قومی خبریں
-
یوٹیلیٹی اسٹورز پر وزیراعظم ریلیف پیکج جاری رکھنے کا فیصلہ، 5 اشیاء پر سبسڈی برقرار
-
سینیٹر اعظم خان سواتی کی بازیابی کیلئے دائر درخواست واپس لیے جانے پر نمٹا دی گئی
-
خیبر پختونخوا حکومت نے آئندہ مالی سال سے صوبے میں بیوٹی پارلرز اور شادی ہالوں پر فکسڈ ٹیکس لگانے کا فیصلہ کرلیا
-
لاہور ، 9 سالہ بچی سے زیادتی کی کوشش کرنے والا ملزم گرفتار
-
قائمقام امیر جماعت اسلامی پنجاب وسطی نصر اللہ گورائیہ کی نو منتخب امیر جماعت حافظ نعیم
-
گورنر سندھ سے واپڈا ایڈمنسٹریٹو اسٹاف کالج کے 62ویں سینئرمینجمنٹ کورس کے شرکاء کی ملاقات
-
پرویزالٰہی اور دیگر پر جعلی بھرتیوں کے کیس میں فرد جرم عائد نہ ہو سکی، 2مئی کو طلب
-
آئی جی پنجاب کی جانب سے پولیس ملازمین کی ویلفیئر کیلئے انقلابی اقدامات
-
پنجاب بھر میں پلاسٹک بیگز کے استعمال پرپابندی کا اعلان، وزیراعلیٰ نے منظوری دیدی
-
خیبر پختونخوا بار کونسل کی ڈسپلنری کمیٹی نے مشعال یوسفزئی کو طلب کرلیا
-
ایف آئی اے کی کارروائی ،قابل اعتراض تصاویر اور ویڈیو شیئر کرنے والا ملزم گرفتار
-
مفکر پاکستان شاعرمشرق ڈاکٹر سر علامہ محمد اقبال کا86واں یوم وفات 21اپریل اتوار کو منایا جائے گا
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.