جنرل(ر) حمید گل کا آئین کو منسوخ کرکے فوج کو اقتدار سنبھالنے بارے بیان قانون کے منافی ہے، آزادی اظہار کا یہ مطلب نہیں کہ آئین اور قانون کو منسوخ کرکے ملک میں مارشل لاء لگانے کی دعوتیں دی جائیں، بیان میں جن کی طرف اشارہ کیا گیا ہے کہ وہ اقتدار سنبھالیں ، وہ آئین اور قانون پر عمل کررہے ہیں اور انہیں اپنی حدود کا علم ہے
چیئرمین سینیٹ میاں رضا ربانی کا جنرل(ر) حمید گل کے آئین کو منسوخ کرکے فوج کو اقتدار سنبھالنے کے متنازعہ بیان پر شدید رد عمل کا اظہار
جمعہ 12 جون 2015 16:16
اسلام آباد ( اُردو پوائنٹ اخبار تازہ ترین۔ 12 جون۔2015ء ) چیئرمین سینیٹ میاں رضا ربانی نے آئی ایس آئی کے سابق سربراہ لیفٹیننٹ جنرل(ر) حمید گل کی طرف سے آئین کو منسوخ کرکے فوج کو اقتدار سنبھالنے کے متنازعہ بیان پر شدید رد عمل کا اظہار کرتے ہوئے اس بیان کو آئین اور قانون کے منافی قرار دیدیا ہے اور کہا ہے کہ آزادی اظہار کا یہ مطلب نہیں کہ آئین اور قانون کو منسوخ کرکے ملک میں مارشل لاء لگانے کی دعوتیں دی جائیں ، ایسا بیان آئین اور قانون کے منافی ہے ، اس بیان میں جن کی طرف اشارہ کیا گیا ہے کہ وہ اقتدار سنبھالیں ، میرے خیال میں وہ آئین اور قانون پر عمل کررہے ہیں اور انہیں اپنی حدود کا علم ہے ۔
جمعہ کو سینیٹ میں جنرل (ر) حمید گل کے متنازعہ بیان پر ارکان کی تقاریر کے دوران رولنگ دیتے ہوئے چیئرمین سینیٹ نے کہا کہ ایسے بیانات قابل مذمت ہیں اور پاکستان آئین اور قانون کے تحت چل رہا ہے اور پارلیمنٹ بالا دست ہے ۔(جاری ہے)
قبل ازیں پیپلزپارٹی کے ترجمان سینیٹر فرحت اللہ بابر ، سینیٹر سعید غنی اور سینیٹر سیف اللہ مگسی نے نکتہ اعتراض پر کہا کہ حمید گل ٹی وی چینلز پر بیٹھ کر پارلیمنٹ کو نشانہ بنار ہے ہیں اور آئین کو منسوخ کرکے ملک میں مارشل لاء لگانے کی باتیں کررہے ہیں ، ان کا مقصد شہرت حاصل کرنا ہے اور ان کے ماضی کے کردار کے حوالے سے ساری دنیا آگاہ ہے کہ انہوں نے کیا کارنامے انجام دیئے ۔
انہوں نے کہا کہ آئین اور پارلیمنٹ کا احترام سب پر لازم ہے اور اس حوالے سے میڈیا کو بھی ذمہ دارانہ کردار ادا کرنا چاہیے اور میڈیا کو ایسے عناصر کی حوصلہ شکنی کرنی چاہیے جو آئین اور قانون کے خلاف باتیں کرتے ہیں ۔ انہوں نے کہا ایسے بندے کا سینیٹ میں نام نہیں لینا چاہتے جو شہرت کیلئے کچھ بھی کرسکتے ہیں ۔ انہوں نے اس حوالے سے ایوان میں پشتو کی ایک کہانی کا بھی حوالہ دیامزید اہم خبریں
-
طویل عرصے بعد پی ٹی آئی لاہور اور پنجاب کے دیگر شہروں میں جلسے کرنے میں کامیاب
-
گندم کٹائی مہم کا افتتاح، مریم نواز نے گندم کی کچی فصل ہی کاٹ دی
-
اپوزیشن کا آصفہ بھٹو کی حلف برداری پر شور شرابے سے لگتا یہ ایک نہتی لڑکی سے خوفزدہ ہیں
-
وزیراعظم کی افغان ٹرانزٹ ٹریڈ کی آڑ میں اسمگلنگ میں ملوث افسران کو عہدے سے فوراً ہٹانے اور محکمانہ کارروائی کرنے کی ہدایت
-
امارات میں ایئرپورٹ پر پھنسے بیشتر مسافر وطن واپس پہنچ گئے، خواجہ آصف
-
عالمی مالیاتی اداروں کے حکام کا پاکستان کو آئی ایم ایف کا مختصر مدت کا پروگرام لینے کا مشورہ
-
عوام سے درخواست ہے کہ 21اپریل کو پی ٹی آئی امیدواروں کو ووٹ کاسٹ کریں
-
سعودی کمپنیوں کو تربیت یافتہ آئی ٹی ماہرین بھیجنے کے خواہاں ہیں،وزیر اعلیٰ مریم نواز سے ڈیجیٹل کوآپریشن آرگنائزیشن کے وفد کی ملاقات
-
وفاقی وزیر پٹرولیم ڈاکٹر مصدق ملک کی اماراتی سفیر حمد عبید الزعابی سے ملاقات ،باہمی دلچسپی کے امور پر گفتگو
-
صدرزرداری نے ساتویں بارپارلیمنٹ سے خطاب کرکے تاریخ رقم کی
-
سپیکر قومی اسمبلی نے ایوان میں باجا بجانے اور شور کرنے پر جمشید دستی اور اقبال خان کی رکنیت معطل کردی
-
اسٹیبلشمنٹ کو عمران خان سے بات کرنا ہوگی لیکن فی الحال کہیں برف نہیں پگھلی
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.