اسلام آباد :ڈی جی رینجرز کی جانب سے جاری کی گئی فہرست کو پبلک کیا جائے، پی ٹی آئی ..
تازہ ترین : 1

اسلام آباد :ڈی جی رینجرز کی جانب سے جاری کی گئی فہرست کو پبلک کیا جائے، پی ٹی آئی رہنما شاہ محمود قریشی

اسلام آباد(اردو پوائنٹ تازہ ترین اخبار . 12 جون 2015 ء): پی ٹی آئی رہنما شاہ محمود قریشی کا کہنا ہے کہ ڈی جی رینجرز نے تحقیقات کرنے کے بعد کراچی کی صورتحال سے آگاہ کیا ہے کراچی میں کیا ہو رہاہے اس سے ہم سب اچھی طرح واقف ہیں. ان کا کہنا تھا کہ ڈی جی رینجرز نے وزیر اعلیٰ سندھ قائم علی شاہ کو 24 ناموں کی ایک فہرست دی ہے ہم چاہتے ہیں کہ وہ فہرست پبلک کی جائے تا کہ عوام کو بھی پتہ چلے، شاہ محمود قریشی کا کہنا تھا کہ میں کسی پر الزام نہیں لگا رہا لیکن میں جانتا ہوں کہ اس فہرست میں وزرا کے نام بھی شامل ہوں گے.

اگر وفاق سنجیدہ ہے تو میرا ان سے یہ سوال ہے کہ ڈی جی رینجرز کی بریفنگ کے بعد کیا اقدامت کیے گئے ہیں. انہوں نے کہا کہ دہشت گردی کے خلاف تمام سیاسی جماعتوں نے وزیر اعظم کو متفقہ مینڈیٹ دیا ہے، دہشت گردی پر قابو پا کر ہی ملک ترقی کر سکتا ہے ہمیں دہشت گردوں اور ان کے معاون لوگوں پر ہاتھ ڈالنا ہو ں گے تا کہ ملک کو اس لعنت سے پاک کیا جا سکے.

وقت اشاعت : 12/06/2015 - 12:08:40

اپنی رائے کا اظہار کریں