وفاقی حکومت کسانوں کو درپیش تمام مسائل اور مشکلات سے بخوبی آگاہ ہے ، زرعی شعبہ کی ترقی اور اپ گریڈیشن کیلئے ہر ممکن کوششیں کی جا رہی ہے،18ویں ترمیم کے بعد صوبے اپنی زرعی پالیسیاں بنانے میں آزاد ہیں، اب زراعت صوبائی معاملہ ہے تاہم حیران کن طو ر پر سندھ حکومت کے زراعت پر اخراجات 8ارب روپے سے کم ہو کر 2 ارب روپے ہو گئے ہیں ، سندھ حکومت کی طرف سے گنے کی قیمت 182 روپے فی 40کلو کا اعلان کیا گیا تھا تاہم کسانوں کو صرف 155 روپے فی 40کلو گرام کے حساب سے ادائیگی کی گئی، وفاقی وزیر فوڈ سیکورٹی اور تحقیق سکندر حیات خان بوسن کا پریس کانفرنس سے خطاب
جمعرات 11 جون 2015 23:33
اسلام آباد(اُردو پوائنٹ اخبارتازہ ترین - آئی این پی۔11 جون۔2015ء) وفاقی حکومت کسانوں کو درپیش تمام مسائل اور مشکلات سے بخوبی آگاہ ہے اور زرعی شعبہ کی ترقی اور اپ گریڈیشن کے لئے ہر ممکن کوششیں کی جا رہی ہے یہ بات وفاقی وزیر فوڈ سیکورٹی اور تحقیق سکندر حیات خان بوسن نے جمعرات کو پریس کانفرنس سے خطاب کرتے ہوئے کہی ۔ انہوں نے کہاکہ حکومت نے حالیہ بجٹ میں کسانوں کو زیادہ سے زیادہ ریلیف دینے کی پوری کوشش کی ہے اور و زیر اعظم حالیہ مشکل صورتحال کے باوجود کسانوں کو مزید مراعات اور ترغیبات دینا چاہتے ہیں ۔
وزیر نے کہا کہ سینٹ کی کمیٹی نے بیجوں کے ترمیمی بل 2015ء کی منظوری دے دی ہے اور اب یہ بل جلد ہی سینٹ میں پیش کیا جائے گا ۔ وزارت پودوں کی بریڈنگ کرنے والوں کے حقوق کے ایکٹ پر کام کررہی ہے اور یہ ایکٹ بھی جلدہی منظوری کے لئے پیش کیا جائے گا ۔(جاری ہے)
وفاقی وزیر نے وزارت فوڈ سیکورٹی تحقیق اور عالمی ادارہ برائے خوراک و زراعت کے مابین زرعی شعبہ کی ترقی اور بہتری کے لئے ہونے والے اشتراک کار بارے میں بتایا ۔
وفاقی وزیر نے کہا کہ صوبوں کو اختیارات کی منتقلی کے بعد زراعت اب صوبائی معاملہ ہے تاہم وفاقی حکومت کسانوں کو سہولیات کی فراہمی کے لئے بھر پور کوششیں کر رہی ہے ۔ قائد حزب اختلاف سید خورشید شاہ کی طرف سے لگائے گئے الزا مات کا جواب دیتے ہوئے وزیر نے کہا کہ 18ویں ترمیم کے بعد صوبے اپنی زرعی پالیسیاں بنانے میں آزاد ہیں کیونکہ اب زراعت صوبائی معاملہ ہے تاہم حیران کن طو رپر سندھ حکومت کے زراعت پر اخراجات 8ارب روپے سے کم ہو کر 2 ارب روپے ہو گئے ہیں ۔و زیر نے مزید کہا کہ سندھ حکومت کی طرف سے گنے کی قیمت 182 روپے فی 40کلو کا اعلان کیا گیا تھا تاہم کسانوں کو صرف 155 روپے فی 40کلو گرام کے حساب سے ادائیگی کی گئی ۔ متعلقہ حکومت کو صنعتکاروں سے محفوظ رکھتے ہوئے کسانوں کی مناسب حصہ کی و صولی کو یقینی بنانا چاہیئے ۔ وفاقی وزیر نے کہا کہ وفاقی حکومت کاشتکاروں اور کسان برادری کے لئے مخلص ہے ۔ انہوں نے کہا کہ وفاقی حکومت زرعی پیداوار کو متاثر کرنے والی بالواسطہ اور براہ راست ڈیوٹیز کو کم سے کم کرنے کی کوششیں کر رہی ہے ۔ انہوں نے کہا کہ حکومت کی طرف سے شروع کئے گئے دیگر ا قدامات میں زرعی یونیورسٹیوں،مٹی کی میپنگ کا ادارہ مینگور یسرچ انسٹی ٹیوٹ کا قیام اور فصلوں کی انشورنس شامل ہیں ۔ وزیر نے اس بات پر بھی افسوس کا اظہار کیا 2007ء میں جب انہوں نے وزارت چھوڑی تو اس وقت زراعت پر کوئی ڈیوٹیز عائد نہیں تھیں اور یہ تمام ڈیوٹیز جن کی وجہ سے پیداواری لاگت میں اضافہ ہوا ہے وہ تمام کی تمام ڈیوٹیز گذشتہ حکومت نے عائد کی تھیں ۔ وفاقی وزیر نے حزب اختلاف کے رہنما کو تعاون کا یقین دلایا اور صوبائی حکومتوں پر زور دیا کہ وہ اپنی ذمہ داریاں پوری کر دیں ۔متعلقہ عنوان :
مزید اہم خبریں
-
صوبے کے عوام کو چور نہ کہا جائے،ایسی گفتگو برداشت نہیں کی جائیگی،علی امین گنڈا پور
-
بھارتی انتخابات: کشمیر میں امیدوار کھڑا نہ کرنے کی حکمت عملی
-
گورنر سندھ کے معاملے پر ہم نے مسلم لیگ ن سے کوئی گارنٹی نہیں مانگی، خالد مقبول
-
عازمین حج پاکستان کے سفیر بن کر جائیں اور وہاں ڈسپلن کا خیال رکھیں ، چیئرمین سینیٹ
-
فرانس ، پاکستانی سفیرعاصم افتخار احمد کا سینڈیلن میں پاکستان کے ایونٹنگ پیرس اولمپکس تربیتی کیمپ کا دورہ،کوچ پیئرڈیفرنس سے ملاقات
-
رفح سے فلسطینی شہریوں کا انخلا
-
کوپ 29 کے نتیجے میں ترقی پذیر ممالک کو موسمیاتی تبدیلیوں سے نمٹنے کیلئے مالیاتی ضروریات پورا کرنے میں مدد ملے گی، صدر مملکت آصف علی زرداری
-
وزیرِ اعظم نے سرمایہ کاری بورڈ کو ملک میں سرمایہ کاری اور نئے کاروبار کے آغاز کیلئے مزید آسانیاں پیدا کرنے کا ہدف دے دیا ، ون ونڈو آپریشن کی طرز پر طریقہ کار وضع کرنے کی ہدایت
-
فرانس میں پاکستان کے سفیر عاصم افتخاراحمد کا سینڈیلن میں پاکستان کے ایونٹنگ پیرس اولمپکس 2024 کے تربیتی کیمپ کا دورہ
-
روبینہ خالد نے بینظیرانکم سپورٹ پروگرام کی چیئرپرسن کی حیثیت سے ذمہ داریاں سنبھال لیں
-
پاکستان کے سیٹلائٹ آئی کیوب قمر نے چاند کے تین چکر کامیابی سے مکمل کرنے کے بعد مدار سے ابتدائی تصاویر بھیج دیں
-
بلاول بھٹو زرداری سے بینظیر انکم سپورٹ پروگرام کی چیئرپرسن سینیٹرروبینہ خالد کی ملاقات
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.