لاہورہائیکورٹ نے پنجاب یونیورسٹی کے پروفیسر شاہد غازی کی معطلی کیخلاف دائر درخواست ..
تازہ ترین : 1

لاہورہائیکورٹ نے پنجاب یونیورسٹی کے پروفیسر شاہد غازی کی معطلی کیخلاف دائر درخواست خارج کر دی

لاہور (اُردو پوائنٹ اخبار تازہ ترین۔ 11 جون۔2015ء) لاہور ہائیکورٹ نے پنجاب یونیورسٹی کے پروفیسر شاہد غازی کی معطلی کے خلاف دائر درخواست خارج کر دی۔ گزشتہ روز لاہور ہائیکورٹ کے جسٹس قاسم خان نے کیس کی سماعت شروع کی تو عدالت کے روبرو پنجاب یونیورسٹی کے معطل پروفیسر شاہد غازی کی جانب سے موقف اختیار کیا گیا کہ وائس چانسلر نے انتقامی کارروائی کا نشانہ بناتے ہوئے معطل کیا حالانکہ معطلی کا اختیار صرف سنڈیکٹ کمیٹی کے پاس ہے ، لہٰذا میری معطلی کا فیصلہ کالعدم قرار دیا جائے۔

پنجاب یونیورسٹی کے وکیل نے موقف اختیار کیا کہ شاہد غازی پر مالی بے ضابطگیوں کے الزام ہے اور اس حوالے سے سٹاف نے تحریری شکایات بھی درج کروائی ہیں۔ عدالت نے تمام دلائل سننے کے بعد پروفیسر شاہد غازی کی معطلی کے خلاف درخواست خارج کر دی۔

مزید متعلقہ خبریں پڑھئیے‎ :

وقت اشاعت : 11/06/2015 - 21:38:07

متعلقہ عنوان :

اپنی رائے کا اظہار کریں