شمال مشرقی نیپال میں مٹی کے تودے گرنے سے کم از کم پندرہ افراد ہلاک ہو گئے
تازہ ترین : 1

شمال مشرقی نیپال میں مٹی کے تودے گرنے سے کم از کم پندرہ افراد ہلاک ہو گئے

کھٹمنڈو ۔ 11 جون (اُردو پوائنٹ اخبار تازہ ترین۔ 11 جون۔2015ء)شمال مشرقی نیپال میں مٹی کے تودے گرنے سے کم از کم پندرہ افراد ہلاک ہو گئے۔ذرائع ابلاغ کے مطابق پولیس نے کہا ہے کہ ضلع تپلیجونگ میں شدید بارشوں کی وجہ سے گرنے والے مٹی کے تودوں سے تقریباً چھ دیہات کو نقصان پہنچااور بارہ گھر مٹی کے نیچے دب گئے جس سے پندرہ افراد ہلاک ہو گئے جبکہ ایک درجن افراد بدستور لاپتہ ہیں۔ حکام نے ہلاکتوں میں اضافے کا خدشہ ظاہر کیا ہے۔ نیپال کے اس علاقے میں بارشوں کا سلسلہ بدھ سے جاری ہے۔واضح رہے کہ جون میں شروع ہونے والی مون سون بارشوں کے دوران نیپال میں زمینی تودے گرنا معمول کی بات ہیں۔

وقت اشاعت : 11/06/2015 - 18:35:34

متعلقہ عنوان :

اپنی رائے کا اظہار کریں