چینی باشندوں کی حفاظت کے لئے خصوصی فورس کی تشکیل کا فیصلہ
تازہ ترین : 1

چینی باشندوں کی حفاظت کے لئے خصوصی فورس کی تشکیل کا فیصلہ

پشاور (اُردو پوائنٹ اخبار تازہ ترین۔ 11 جون۔2015ء)خیبر پختونخوا حکومت نے صوبے میں رہائش پذیر چینی باشندوں کی حفاظت کے لئے خصوصی فورس کی تشکیل کا فیصلہ کیا ہے ۔ پہلے سے ہی چینی انجینئرز کی سیکورٹی کے لئے سخت ترین اقدامات کئے جا چکے ہیں ۔ چین کے صدر کے دورہ پاکستان کے بعد وفاقی حکومت کی جانب سے چینی باشندوں کی حفاظت کے لئے ٹھوس اقدامات کی ہدایات کی ہے ۔

صوبے میں مختلف منصوبوں پرکام کرنے والے اور انفرادی طور پررہائش پذیر چینی باشندوں کی حفاظت کے لئے خصوصی فورس کی تشکیل د ی جا رہی ہے ۔ جس میں خیبر پختونخوا پولیس کے سپیشل ایلیٹ فورس ، سپیشل برانچ کے سپیشل کمانڈوز ، فرنٹیئر کانسٹیبلری کے سپیشل کمانڈوز ، خواتین سپیشل کمانڈوز ، کے اہلکاروں پر مشتمل ہو نگے ۔ جبکہ پاک فوج کے ریٹائرڈ افسران جو کہ پولیس میں اس وقت مختلف عہدوں پر خدمات سرانجام دے رہے ہیں کو بھی اس میں شامل کر دیا جائے گا ۔ ذرائع نے بتایا ہے کہ فورس براہ راست ایڈیشنل آئی جی اور آئی جی خیبر پختونخوا کو جواب دہ ہو نگے ۔ `

وقت اشاعت : 11/06/2015 - 17:37:57

اپنی رائے کا اظہار کریں