خصوصی افراد کے لئے سرکاری و نجی اداروں میں پانچ ہزار اسامیاں پیدا کی جا رہی ہیں، ..
تازہ ترین : 1

خصوصی افراد کے لئے سرکاری و نجی اداروں میں پانچ ہزار اسامیاں پیدا کی جا رہی ہیں، ترجمان محکمہ سماجی بہبود

لاہور ۔10 جون (اُردو پوائنٹ اخبار تازہ ترین۔ 10 جون۔2015ء) ترجمان محکمہ سماجی بہبود نے کہا ہے کہ خصوصی افراد کے لئے سرکاری و نجی اداروں میں پانچ ہزار اسامیاں پیدا کی جا رہی ہیں - ترجمان نے مزید بتایا کہ حکومت پنجاب خصوصی افراد کی بحالی اور انہیں ملازمتوں کی فراہمی کے لئے جامع اقدامات کر رہی ہے - ملازمتوں میں کوٹہ 2 فیصد سے بڑھا کر تین فیصد کرنے کے بعد 207 بصارت سے محروم افراد کو ڈیلی ویجزپر مختلف ملازمتیں فراہم کی گئی ہیں -خصوصی افراد کو ملازمتوں میں بھرتی کے لئے 10 سال تک عمر میں رعایت دی گئی ہے - انہوں نے بتایا کہ کالج و یونیورسٹیوں میں داخلے اور ایم فل و پی ایچ ڈی میں داخلے کے لئے عمر کی حد میں رعایت دی گئی ہے -انہوں نے بتایا کہ محکمہ سماجی بہبود نے معذور افراد کی بحالی کے لئے ضلعی کمیٹیوں کی طرف سے 25,25 لاکھ روپے فراہم کئے گئے - جس سے خصوصی افراد کو مصنوعی اعضا اور طبی سہولیات کو فراہم کیا جا سکے گا - مزید براں پنجاب سوشل پروٹیکشن اتھارٹی کی معذور افراد کے لئے انکم سپورٹس پروگرام زیر غور ہے - علاوہ ازیں سی ایس ایس کے امتحان میں بھی معاون کو ساتھ بٹھانے کی اجازت دی گئی ہے -

وقت اشاعت : 10/06/2015 - 18:48:25

اپنی رائے کا اظہار کریں