ہر کوئی جانتا ہے پاکستان کو دو لخت کرنے کیلئے مکتی باہنی کو اسلحہ بھارت نے دیا ..
تازہ ترین : 1

ہر کوئی جانتا ہے پاکستان کو دو لخت کرنے کیلئے مکتی باہنی کو اسلحہ بھارت نے دیا ٗشاہ محمود قریشی

نریندر مودی کے بیان پر دفتر خارجہ کے ردعمل پر حیرانی ہوئی ہے ٗ میڈیا سے گفتگو قوم کے جذبات کی ترجمانی حکومت کررہی ہے نہ ہی دفتر خارجہ کی طرف سے کی جارہی ہے ٗ پی ٹی آئی رہنما

اسلام آباد (اُردو پوائنٹ اخبار تازہ ترین۔ 10 جون۔2015ء)تحریک انصاف کے رہنماء شاہ محمود قریشی نے کہا ہے کہ ہر کوئی جانتا ہے پاکستان کو دو لخت کرنے کیلئے مکتی باہنی کو اسلحہ بھارت نے دیا ٗنریندر مودی کے بیان پر دفتر خارجہ کے ردعمل پر حیرانی ہوئی ہے۔بدھ کو یہاں پارلیمنٹ کے باہر میڈیا سے گفتگو کرتے ہوئے پی ٹی آئی کے وائس چیئرمین شاہ محمود قریشی کا کہنا تھا کہ بھارتی وزیراعظم نریندر مودی کا بیان سفارتی آداب کے خلاف ہے، ہر کوئی جانتا ہے کہ بھارت نے پاکستان کے اندرونی معاملات میں مداخلت کی ہے۔ مودی کے بیان کی منطق مجھے سمجھ نہیں آتی۔ انہوں نے کہا کہ قوم کے جذبات کی ترجمانی حکومت کررہی ہے نہ ہی دفتر خارجہ کی طرف سے کی جارہی ہے۔

وقت اشاعت : 10/06/2015 - 18:02:19

اپنی رائے کا اظہار کریں