(ن) لیگی وفاقی حکومت کا پیش کردہ بجٹ انتہائی مایوس کن اور عوام دشمن ہے‘(ن) لیگ ناقص معاشی پالیسیوں کی وجہ سے نہ صرف بڑے پیمانے پر قومی وسائل کے ضیاع کا باعث بن رہی ہے بلکہ اپنی مالیاتی پالیسیوں کے ذریعے غریبوں پر بے جاٹیکسوں کا بوجھ لاد کر مراعات یافتہ طبقے کے مفادات کے تحفظ میں مصروف ہے،تحریک انصاف کے مرکزی سیکرٹری اطلاعات نعیم الحق کاوفاقی وزیر اطلاعات و نشریات پرویز رشید کے بیان پر سخت رد عمل
ہفتہ 6 جون 2015 23:41
اسلام آباد(اُردو پوائنٹ اخبارتازہ ترین - آئی این پی۔6 جون۔2015ء) پاکستان تحریک انصاف کے مرکزی سیکرٹری اطلاعات نعیم الحق نے وفاقی وزیر اطلاعات و نشریات پرویز رشید کے بیان پر سخت رد عمل کا اظہار کرتے ہوئے کہا ہے کہ مسلم لیگ (ن)کی وفاقی حکومت کی جانب سے پیش کیے جانے والا بجٹ انتہائی مایوس کن اور عوام دشمن ہے۔ ان کا کہنا ہے کہ مسلم لیگ نواز اپنی ناقص معاشی پالیسیوں کی وجہ سے نہ صرف بڑے پیمانے پر قومی وسائل کے ضیاع کا باعث بن رہی ہے بلکہ اپنی مالیاتی پالیسیوں کے ذریعے غریبوں پر بے جاٹیکسوں کا بوجھ لاد کر مراعات یافتہ طبقے کے مفادات کے تحفظ میں مصروف ہے۔
انہوں نے کہا کہ مسلم لیگ نواز کی حکومت کے پہلے سال کے دوران تقریباً سات لاکھ لوگ روزگار سے محروم ہوئے جبکہ ان کی مدت اقتدار کے دوسرے برس آٹھ لاکھ افراد کی ملازمت ختم ہوئی۔(جاری ہے)
انہوں نے مزید کہا کہ مسلم لیگ نواز کی حکومت نے اپنے بجٹ میں تعلیم یافتہ نوجوانوں کے روزگار کیلئے نہ تو اقدامات تجویز کیے اور نہ ہی کسی قسم کی دلچسپی کا اظہار کیا۔
یوں محسوس ہوتاہے کہ مسلم لیگ نواز ملک میں بے روزگاروں کی ایک فوج کھڑی کرنا چاہتی ہے۔ ان کے مطابق تحریک انصاف کی جانب سے بجٹ کے حوالے سے پیش کی گئی تجاویز انتہائی مثبت ہیں، جنہیں اختیار کر کے مسلم لیگ نواز ملکی معیشت کو بحالی کی راہ پر ڈال سکتی ہے۔ انہوں نے کہا کہ پرویز رشید پاکستان تحریک انصاف پر تنقید کی بجائے اپنی حکومت کی معاشی مشینری کو ہوش مندی کا مشورہ دے اور ملک میں غریبوں کے معاشی قتل عام کی بجائے انہیں ریلیف فراہم کرنے کی تجویز دیں۔ انہوں نے کہا کہ ملازمین کی تنخواہوں میں محض ساڑھے 7فیصد کا اضافہ انتہائی ناکافی ہے جبکہ غریب عوام پر بلواسطہ محصولات کا بوجھ سراسر ظلم ہے جس کی مذمت کرتے ہیں۔انہوں نے کہا کہ تحریک انصاف خیبرپختونخواہ میں ایک مثالی بجٹ پیش کریگی جس میں بیشتر وسائل عوام کی فلاح وبہبود کیلئے مختص کیے جائینگے۔مزید اہم خبریں
-
طویل عرصے بعد پی ٹی آئی لاہور اور پنجاب کے دیگر شہروں میں جلسے کرنے میں کامیاب
-
گندم کٹائی مہم کا افتتاح، مریم نواز نے گندم کی کچی فصل ہی کاٹ دی
-
اپوزیشن کا آصفہ بھٹو کی حلف برداری پر شور شرابے سے لگتا یہ ایک نہتی لڑکی سے خوفزدہ ہیں
-
وزیراعظم کی افغان ٹرانزٹ ٹریڈ کی آڑ میں اسمگلنگ میں ملوث افسران کو عہدے سے فوراً ہٹانے اور محکمانہ کارروائی کرنے کی ہدایت
-
امارات میں ایئرپورٹ پر پھنسے بیشتر مسافر وطن واپس پہنچ گئے، خواجہ آصف
-
عالمی مالیاتی اداروں کے حکام کا پاکستان کو آئی ایم ایف کا مختصر مدت کا پروگرام لینے کا مشورہ
-
عوام سے درخواست ہے کہ 21اپریل کو پی ٹی آئی امیدواروں کو ووٹ کاسٹ کریں
-
سعودی کمپنیوں کو تربیت یافتہ آئی ٹی ماہرین بھیجنے کے خواہاں ہیں،وزیر اعلیٰ مریم نواز سے ڈیجیٹل کوآپریشن آرگنائزیشن کے وفد کی ملاقات
-
وفاقی وزیر پٹرولیم ڈاکٹر مصدق ملک کی اماراتی سفیر حمد عبید الزعابی سے ملاقات ،باہمی دلچسپی کے امور پر گفتگو
-
صدرزرداری نے ساتویں بارپارلیمنٹ سے خطاب کرکے تاریخ رقم کی
-
سپیکر قومی اسمبلی نے ایوان میں باجا بجانے اور شور کرنے پر جمشید دستی اور اقبال خان کی رکنیت معطل کردی
-
اسٹیبلشمنٹ کو عمران خان سے بات کرنا ہوگی لیکن فی الحال کہیں برف نہیں پگھلی
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.