خادم الحرمین الشریفین نے رمضان المبارک کے آغاز سے قبل کعبہ اللہ کو اپنے ہاتھوں سے غسل دیا

اتوار 31 مئی 2015 23:25

مکہ مکرمہ(اُردو پوائنٹ اخبارتازہ ترین - آئی این پی۔31 مئی۔2015ء) سعودی عرب کے فرمانروا شاہ سلمان بن عبدالعزیز نے رمضان المبارک کے آغاز سے قبل سالانہ روایت کے تحت مکہ مکرمہ میں کعبہ اللہ کو اپنے ہاتھوں سے غسل دیا ۔عالمی میڈیا کے مطابق سعودی عرب کے فرمانروا شاہ سلمان بن عبدالعزیز نے اتوار کی صبح مکہ مکرمہ میں کعبہ اللہ کو اپنے ہاتھوں سے غسل دیا ہے۔

ولی عہد شہزادہ محمد بن نایف بن عبدالعزیز بھی کعبہ اللہ کو غسل دینے کے عمل کے دوران شاہ سلمان کے ہمراہ تھے۔

(جاری ہے)

وہ جب مسجد الحرام پہنچے تو گورنر مکہ شہزادہ خالد الفیصل نے ان کا استقبال کیا۔اس موقع پر شاہ سلمان نے مسجد الحرام کے توسیعی اور مکہ مکرمہ کے ترقیاتی منصوبے کے حوالے سے دریافت کیا اور انھیں مرحوم شاہ عبداللہ کے دور میں شروع کیے گئے توسیع منصوبوں پر پیش رفت کے بارے میں آگاہ کیا گیا۔

انھوں نے شہزادہ خالد کو ہدایت کی کہ وہ حرم مکی کے توسیعی منصوبے کو ترجیحی بنیاد پر مکمل کرائیں۔واضح رہے کہ مسجد الحرام کی تعمیر وتوسیع کا بڑا منصوبہ سعودی عرب کے مرحوم فرمانروا شاہ عبداللہ بن عبدالعزیز کے دور حکومت میں شروع کیا گیا تھا۔اس منصوبے کے دو مراحل مکمل ہوچکے ہیں اور اس وقت تیسرے مرحلے پر کام جاری ہے۔

Facebook Twitter Google + Share on Whatsapp

خادم الحرمین الشریفین نے رمضان المبارک کے آغاز سے قبل کعبہ اللہ کو اپنے ہاتھوں سے غسل دیا

متعلقہ عنوان :

مزید اہم خبریں